Balalar qııalyndaǵy boıaýlar

Sharanyń ashylýynda sóz alǵan atalǵan mektep­­tiń muǵa­limi Gúlshara Altynsa­rıeva: «Halqymyzda «Bulaq kór­seń kózin ash» degen naqyl bar. Biz­ de ónerge talpynǵan bala­lar­ǵa durys jol kórsetsek de­dik. Kórmedegi týyndylardy bir kúnde, bir aptada jasaǵan joqpyz. Bul – oqýshylardyń bir jyldyq jumysynyń jemisi. Osy jerde ata-analarǵa da alǵy­symdy aıtyp ótsem deımin. Bo­­la­shaqta osy jetkinshekter ara­­synan tanymal sýretshiler shyǵyp jatsa, bizdiń eńbegimizdiń jan­­ǵany dep oılaımyn», dedi ol.

Kózdiń jaýyn ala­tyn kórkem týyndylardy bir qaraǵan adam balanyń qolynan shyqqan shy­ǵar­ma dep múlde oılamaı­­dy. Aı­tar oılary tereń, qylqalam­dary tóselgen kánigi sheber qol­dardan shyqqan shynaıy týyn­dylar. Kórmeni aralaı júrip baıqaǵanymyzdaı, qazirgi jas urpaq ómirge birneshe rakýrs­tan qaraı alatyndyǵyna tań­danasyń. Máselen, bir ǵana Nur­seıit Altynaraı esimdi 10 jasar sýretshiniń «Almurt» atty týyndysy bizdi biraz oıǵa jeteledi. Baldyrǵan sýretshi sol almurttyń ishine almurt aǵashynyń sýretin syıǵyzǵan. Bul neni ańǵartady? Jalqy arqyly jalpyǵa úńilý – tereń paıym degenge saıady.

Kórmege qonaq bolyp kelgen Qazaqstan Sýretshiler odaǵynyń múshesi Erkinbek Esimov te osy oılarymyzdy qýattady. «Ba­la­lardyń qolynan shyqqan kar­tınalar shynaıylyǵymen qun­dy deýge bolady. Olar óz qııal­darynda tabıǵatty, jan-janýarlar álemin, tipti adam psıhologııasynyń ózin dál sýretteıdi. О́z jumystaryna beıjaı qaramaıtyndyqtary olardy úlken jetistikterge jeteleıdi», dedi sýretshi E.Esimov.