Qasymovtar áýletin sahnaǵa mehanızator bolyp eńbek etetin otaǵasy Berik bastap shyqty. О́mirlik jary Gúlzıra – aspaz. Ol jergilikti shyǵarmashylyq saıysynda «Ánshilik sheberlik» atalymynda jeńiske jetipti. Iаǵnı dámdiligi til úıirer as mázirin daıyndaýdan basqa da óneri jetip-artylady. Tórt ul-qyzyn qutty jerine qondyryp, jeke otaý etip shyǵarǵan ekeýiniń bir shańyraq astynda tútin tútetkenine – 35 jyl. Túrli mamandyq ıelerin toǵystyrǵan qarapaıym áýlettiń «Týǵan jerge týyńdy tik» atalymy boıynsha ozyp shyǵýy laıyqty kórsetilgen qoshemet ekeni daýsyz. Úlkenge qurmet, kishige izet qasıetteri boılarynan samala jeldeı esetin kóp balaly Artyqbaı men Balzııa Nurmetovter «Nurly kósh» baǵdarlamasy aıasynda Qyzyljar aýdany Báıterek eldi mekenine qonystanǵannan beri qoǵamdyq jumystardyń bel ortasynan kórinip júr. «Dýslýk» ózbek mádenı ortalyǵynyń beldi músheleri sanalady. Eńbekqor, aldarynan jumys úrkip otyrady dese de bolady.
Jurtshylyq sahna tórine kóterilgen Topaevtar, Qanafınder jáne Kııaevter patronattyq otbasylaryna da dúrkirete qol soqty. Topaevtar ata-ananyń qamqorlyǵynsyz qalǵan eki orys balasyn mápelep ósirip otyr. Iýra áke jolyn qýyp, turmystyq buıymdar jasaýmen shuǵyldanady. Bolashaqta dızaıner bolǵysy keledi. Erli-zaıypty Kııaevter bes qyzdy baýyryna basqan. Valerııa qazaq tilin, Valıa dombyra tartýdy meńgergen. Yntymaǵy jarasqan Azamat pen Gúlzat Qanafınder kindikterinen órbigen eki balaǵa jetim balalar úıinen tórt balany qosyp alypty. Pedagogıkalyq jumys ótili bir ǵasyrǵa parapar Eskendirovter áýleti oblys ortalyǵyndaǵy janǵa jaıly tynysh ómirin aýyldyń tynymsyz tirligine aıyrbastaǵanyna esh ókinbeıdi. 10 ul-qyz ósirip, 20-ǵa jýyq nemere súıip otyrǵan Zııat ata, Botagóz áje jasyna jetip, shattyǵy shalqyǵan shańyraqty sútteı uıytyp otyr.
Osylaısha «El dep kelgen baýyrlar», «Ana júreginiń jylýy», «Urpaq sabaqtastyǵy», «Sheberdiń qoly ortaq» atalymdary óz ıelerin tapqannan keıin júldegerler men jeńimpazdardy marapattaý bastaldy. Taıynsha aýdanynan kelgen Shatarbaı otbasy úshinshi orynǵa laıyq dep baǵalandy. Dáýeı aqsaqal on saýsaǵynan óner tamǵan sheberlikti Mońǵolııada úırengen. Atamekenge oralǵannan keıin Kellerovka aýylynda qoldanbaly óner murajaıyn ashyp, «Rýhanı jańǵyrý» baǵdarlamasy sheńberinde biraz is tyndyrǵan. Ekinshi oryndy ıelengen Mashıkovtardyń abyz aqsaqaly Aıdarhan men qudaı qosqan qosaǵy Gúlshara ekeýin 11 ul-qyz, 31 nemereniń qyzyǵyn kórip otyrǵan máýeli báıterek dersiń.
Gran-prı bas júldesin oblys ákiminiń orynbasary Rýslan Álishev shalǵaıdaǵy Ýálıhanov aýdanynyń namysyn arqalaı kelgen Muhamedııarovtar otbasyna saltanatty túrde tabys etti. Otaǵasy Bolat 31 jyl energetık bolyp eńbek etken. Asyl jary Mafrýza – «Respýblıka aǵartý isiniń úzdigi». Uldary men qyzdary, nemereleri shetinen ónerpaz, ánshi, kúıshi, bıshi.
«Mereıli otbasy» konkýrsyna qatysýshylarǵa baǵaly syılyqtar tartý etildi.
Soltústik Qazaqstan oblysy