M. Qozybaev atyndaǵy Soltústik Qazaqstan memlekettik ýnıversıtetinde "Aqyn júrekti qaıratker" atty dóńgelek ústel ótip, oǵan Almaty men Astanadan kelgen arnaıy delegasııa músheleri, ónersúıer qaýym, zııaly qaýym ókilderi, jastar qatysty.
Alqaly basqosýdy SQMÝ-diń ǵylym jáne ınnovasııalar jónindegi prorektory, tarıh ǵylymdarynyń doktory Aqmaral Ybyraev kirispe sózben ashyp, alystan kelgen mártebeli qonaqtarǵa sóz berip otyrdy. Belgili jazýshy Qýanysh Jıenbaı, ǵalym Qudaıbergen Tursynov, respýblıkalyq «Egemen Qazaqstan» gazetiniń qyzmetkeri Súleımen Mámet, marqumnyń jan jary Kúlásh Qaıyrjanqyzy, oblystyq Jazýshylar odaǵynyń tóraǵasy Jarasbaı Súleımenov, taǵy basqalary Erekeńniń el úshin sińirgen zor eńbegi, qalamgerlik qýaty, qaıretkerdik tulǵasy jaıly esten ketpes áserli estelikter aıtyp, ásirese, táýelsizdiktiń eleń-alań shaǵy ýaqytyndaǵy azamattyq bolmys-bititimine, kúreskerlik tulǵasyna jan-jaqty toqtaldy. Kitap kórmesinde E. Shaımerdenovtiń ár jyldary jaryq kórgen kitaptary men maqalalary toptastyryldy.
Jıyn sońynda stýdentter aqynnyń óleńderin oqyp, jyrdan shashý shashty. Qoǵam qaıratkerin eske alý sharalary Jambyl aýdanynyń ortalyǵy Presnov kenti men týǵan jeri Jańajol aýylynda jalǵasty.
Soltústik Qazaqstan oblysy