Oblystyq kásipkerlik jáne týrızm basqarmasynyń basshysy Quralaı Jarovanyń sózine qaraǵanda jármeńkege Horezm oblysynan azyq-túlik tıelgen ondaǵan júk kólikteri kelip, arzan satylymǵa shyǵarylǵan. Sábizdiń kılosy 180, pııaz 70, qyzanaq pen qııar 550 teńgeden saýdalanǵan. Dámdiligi til úıiretin qaýyn, qarbyz, shabdaly, órik, shıe te qoljetimdi baǵamen usynylǵan. Budan bólek túrli kıim-keshekter, qyshtan, sazdan jasalǵan ydys-aıaq, kádesyı buıymdary kóptep satylǵan.
«Horezm óńirinde jylyna bir mıllıon tonnadaı kókónis pen jemis ósiriledi. Teriskeılik jármeńkege 55 myń tonnadan astam aýyl sharýashylyq ónimderi ákelindi», deıdi Horezm oblysy ınvestısııalar jáne syrtqy saýda bas basqarmasynyń basshysy Anvar Davletov. Keleshekte ınvestısııa salýǵa, kásipkerlik salada qoıan-qoltyq jumys isteýge nıetti.
Qazaqstan men О́zbekstan arasyndaǵy ekijaqty yntymaqtastyq aıasynda ózbek kásipkerleri birqatar kelisim-sharttar jasasqan. Máselen, shulyq óndiretin jergilikti «Matex» kompanııasy balalar jáne mektep kıimin tigetin mata, jip satyp alýǵa ýaǵdalasqan. Oblys ortalyǵynda Horezm saýda úıin ashý oılastyrylyp otyr.
Soltústik Qazaqstan oblysy