ÁLEÝMETTIK JOBALAR QATARY TOLYQTY

Bıýdjetten tys qarajat kózderin izdestirip taýyp, ony óńirde iske asyryp jatqan áleýmettik jobalar qataryn to­lyqtyrýǵa jumsaýǵa yqpal jasaı bilgen basshynyń mereıi qashanda ústem. Aıtalyq, sońǵy úsh jylda Qara­shy­ǵanaq ke­nishindegi sheteldik kom­panııalardyń óńirdegi áleýmettik jo­ba­larǵa bóletin qarajatynyń kólemi tórt esege ulǵa­ıyp­ty. Muny árıne, “batpan quı­ryq, aı­dalada jatqan quıryq” deý­ge esh bol­maıdy. Ony Batys Qazaqstan obly­synyń ákimi, KPO b.v kom­pa­nııa­syn­daǵy birikken basqarý komıtetiniń (BBK) múshesi Baqtyqoja Izmu­ham­be­tovtiń elge degen janashyrlyq kóz­qarasymen baılanystyra qaraýǵa ábden bolady. Bulaı bolatyn sebebi – sheteldikter basy artyq qarajatty tek­ten-tek bere salmaıdy. Ony alý úshin de yjda­ǵat­tylyq, tabandylyq kerek. Taıaýda Londonda ótkizilgen BBK-niń kezekti májilisinen oralǵan B.Iz­muhambetov jýrnalısterge arnalǵan brı­fıngte osy másele jóninde baıan­dap berdi. Onyń málimdeýine qaraǵanda, áleýmettik jobalar úshin qarasty­ryl­ǵan 20 mıllıon AQSh dollary kó­le­mindegi qarajatty taǵy da eke esege deıin ul­ǵaı­týǵa qol jetkizilgen. Bul qandaı maq­sat­tarǵa paıdalanylmaq? Bul saýalǵa jaýap bermes buryn oblys basshysy ótken jyly KPO b.v kom­pa­nııa­synan áleý­met­tik jobalarǵa bó­lingen qarajattyń qaıda jumsalǵany, qalaı ıgerilgeni týraly aıtyp ótti. Ol kenshiler qalasy Aqsaıdy abattan­dy­rý­ǵa, Qarashyǵanaq kenishi aýmaǵynda ornalasqan Bórli aýda­nyn­daǵy Aqsaı-Aqbulaq gaz qubyry jelisin júrgizýge jumsalǵan. Sonyń ózinde de bul qara­jat jyl aıaǵyna deıin tolyq ıgerilip úl­germepti. “Osy úrdis bıyl odan ári jal­ǵasady. Osynaý áleýmettik joba sheń­berinde Oral qalasynyń irgesinde gaz-týrbınaly elektr stansasy sa­ly­nyp, jylý júıesiniń qurylysy bas­talmaq. Ári bul jobalar jyl aıaǵyna deıin aıaq­talmaq”, – dedi Baqtyqoja Salahat­dınuly. Oblys basshysynyń málimde­me­si­nen belgili bolǵan taǵy bir jáıt – atalǵan áleýmettik jobalar qatarynda oblys ortalyǵynda álemdik stan­dart­tarǵa jaýap bere alatyn záýlim sal­tanat sa­ra­ıy boı kótermek. Onda neke rá­sim­derinen tys respýblıkalyq jáne ha­lyq­aralyq deńgeıdegi jıyndardy ótkizýge bo­lady. Batys Qazaqstan Reseıdiń bes birdeı oblysymen qoıyn­da­sa-qoltyqtasa ornalasqan. Bolashaq boı kóteretin nysanda osynaý she­ka­ra­lyq oblystar ókilderiniń basqosýlary men jıyndaryn ótkizýge de múm­kin­dikter týǵyzylmaq. Sondaı-aq, sheteldik kompanııadan bıyl qosymsha bólingen 20 mıl­lıon AQSh dollary Oral qalasynyń eski áýe­jaı dep atalatyn aýdanynda 1200 oqý­shyǵa arnalǵan mektep, so­nymen birge, 320 balaǵa arnalǵan ba­labaqsha ǵımarat­taryn turǵyzýǵa jáne jabyq tennıs kortyn salýǵa jum­sal­maq. Alǵashqy eki nysannyń jobasy qazirdiń ózinde ázir. Atalǵan mektep pen bala­baq­sha ǵıma­rattary jónindegi jobalar res­pýb­lıka Úkimetiniń na­zaryna usynyldy. Úkimet ony turǵyzý jó­ninde qaýly qabyldaǵan soń, ile-shala tıisti qurylys jumystary da bas­talyp ketetin bolady, – dep túıin jasady brıfıngte B.Izmuhambetov. Temir QUSAIYN, Batys Qazaqstan oblysy.