Qazaqstan Respýblıkasy Prezıdentiniń saılaýy kúni, ıaǵnı 9 maýsymda Qaraǵandy oblysy boıynsha 787 saılaý ýchaskesi jumys isteıtin bolady. Búgingi kúnde olardyń bári de jaýapty saıası naýqanǵa tolyqtaı daıyn. Bul týraly oblystyq saılaý komıssııasynyń músheleri málim etti.
Múmkindigi shekteýli saılaýshylarǵa da erekshe kóńil bólinedi. Olarǵa kedergisiz daýys berý úshin barlyq jaǵdaı jasaý qarastyrylǵan. Jalpy, oblys boıynsha tizimde 930 myńnan astam saılaýshy bar.
Saılaý komıssııasynyń ýchaskelerdiń daıyndyq deńgeıi jáne olardyń jabdyqtalýy týraly esebin tyńdaǵan oblys ákimi daýys berý kúni qandaı da tosyn jaǵdaılarǵa jol bermeýdi tapsyrdy.
Saılaý kúni oblystyń qalalarynda avtobýstarda jol júrý tegin bolady. Sonymen qatar, 9 maýsymda Qaraǵandy qalasynyń «Altyn Arba», «Shyǵys», «Araı», «Mıhaılovka», «Gornıak», «Qaırat» bazarlary, «Orbıta» jáne «Otaý» avtokólik bazarlarynyń saýda alańdary jumysyn saǵat 12.00-de bastaıdy.