Qyzylordalyq órenderdiń demalysyn qyzyqty ótkizý maqsatynda oblysta túrli sharalar qolǵa alynyp jatyr. Máselen, «Rýhanı jańǵyrý» baǵdarlamasy sheńberinde mektep týrızimin jandandyrý boıynsha 20 myń oqýshy aımaqtaǵy kıeli tarıhı-mádenı oryndarǵa saıahat jasaıdy.
– Oblystaǵy 9 saýyqtyrý ortalyǵy men demalys lagerinde 10 myńǵa jýyq bala demalyspen qamtylady. Al, jalpy bilim berý mektepteriniń bazasyndaǵy kúndizgi jáne shatyrly lagerlerde 96 myń bala tynyǵatyn bolady, - dedi oblystyq bilim basqarmasynyń basshysy Maıra Medelbekova.
Bıyl 2018-2019 oqý jylynda oblystaǵy 261 mektepten 5754 oqýshy 11 synypty bitiredi. Onyń 4143-i maýsym aıynda ótetin Ulttyq biryńǵaı testileýge qatyspaq. Túlekterdiń 400-i «Altyn belgige», 285-i «Úzdik attestatqa» úmitker. Sondaı-aq, bitirýshi túlekter jyl boıy jumys isteıtin «Qambash», «Taldysý» lagerlerinde daıyndyq kýrstarynan ótken.
Qyzylorda oblysy