ShYU baıqaýshylary saılaýǵa mán beredi

V. Norov ShYU Hatshylyǵy uıymnyń sońǵy 15 jyldaǵy qyzmetiniń qazirgi 48-shi mıssııasyna úlken mán beretinin atap ótti. «Aldaǵy saılaý óte básekeli bolmaq jáne oǵan túrli saıası baǵ­dar­la­ma­lar usyn­ǵan jeti kan­dı­dat­tyń, sonyń ishinde áıel adam­­nyń qaty­sýy qazaq­stan­dyq saılaýshylar úshin shynaıy keń tańdaý múm­kin­digin qamtamasyz etedi», dep atap ótti ShYU Bas hatshysy.

ShYU Mıssııasynyń baı­qaý­shylary Qazaqstannyń 7 iri qalasyndaǵy saılaý ýchas­kelerinde jumys isteıtin bolady. Mıssııa quramynda  ShYU-ǵa múshe jeti memlekettiń 25 zań shyǵarý, atqarýshy jáne saılaý organdarynyń ókilderi, sondaı-aq uıymnyń turaqty organdary Hatshylyq pen Aımaqtaǵy terrorızmge qarsy qurylym atqarýshy komıtetiniń resmı adamdary bar.

SIM-de ótken kezdesýde taraptar Shanhaı yntymaqtas­tyq uıymynyń saıasat pen qaýipsizdik, saýda jáne ekonomıka, sondaı-aq mádenı-gýma­nıtarlyq baǵyttaǵy yqpaldasý barysyn talqylady. Oǵan qosa, 13-14 maýsymda Bishkekte ótetin ShYU Sammıtiniń kún tártibi men oǵan daıyndyq barysy qaraldy. Osy oraıda qazaqstandyq mınıstr 22 mamyrda Bishkekte ótken ShYU syrtqy ister mınıstrleriniń osy is-sharany daıyndaý jónin­degi keńesiniń qorytyn­dy­syn shyǵaryp, jalpy Qyrǵyz­stan­nyń ShYU-ǵa tabysty tór­aǵalyq etýin erekshe atap ótti.

ShYU Bas hatshysy Qazaq­stannyń Tuńǵysh Prezı­denti – Elbasy Nursultan Nazar­baevtyń uıym aıasyndaǵy, birin­shi kezekte, kópjaqty yn­ty­maqtastyqtyń barlyq baǵy­tyn nyǵaıtýdy kózdeıtin bas­ta­malaryna joǵary baǵa berdi.

ShYU sheńberindegi ózara is-qımyl – Qazaqstan Respýb­lıkasynyń syrtqy saıa­satyn­daǵy mańyzdy baǵyt­tardyń biri. V.Norov Qazaqstannyń ShYU-nyń damýyna úlesin joǵary baǵalap, elimizdiń uıymdaǵy tuǵyrly ornyna erekshe mán berdi. Bul jerde Úndistan men Páki­s­tandy tolyqqandy múshe etip qabyldaý arqyly ShYU-ny keńeıtý baǵytynda tarıhı sheshimder qabyldanǵan 2017 jylǵy Astana sammıtiniń qorytyndylaryna erekshe nazar aýdaryldy.