Senbi, 26 qańtar 2013 7:32
Koroldi jaqtaýshylar jeńiske jetti
Iordanııada ótken parlamenttik saılaýda qazirgi bılikti jaqtaýshylardan usynylǵan kandıdattar parlamentte kóp oryn aldy. «Reıter» aqparat agenttiginiń habarlaýynsha, saılaýda aldyna eldiń saıası jáne ekonomıkalyq júıelerin ózgertýge eshqandaı maqsat qoımaǵan «taıpalardan kandıdattar» basym orynǵa ıe bolǵan.
Senbi, 26 qańtar 2013 7:32
Koroldi jaqtaýshylar jeńiske jetti
Iordanııada ótken parlamenttik saılaýda qazirgi bılikti jaqtaýshylardan usynylǵan kandıdattar parlamentte kóp oryn aldy. «Reıter» aqparat agenttiginiń habarlaýynsha, saılaýda aldyna eldiń saıası jáne ekonomıkalyq júıelerin ózgertýge eshqandaı maqsat qoımaǵan «taıpalardan kandıdattar» basym orynǵa ıe bolǵan.
Degenmen, saılaýda táýelsiz kandıdattar parlamenttegi orynnyń tórtten birin, ıaǵnı 150-in alypty. Parlamenttik saılaýǵa eldegi oppozısııalyq kúsh sanalatyn «Islamdyq is-qımyl maıdany» boıkot jarııalaǵan edi. Osy uıymnyń málimetinshe, tizimge daýys berýge tıis saılaýshylardyń 50 paıyzy ǵana engizilgen. Olardyń 56 paıyzdaıy saılaý ýchaskelerine kelgen kórinedi. Atap óteıik, birneshe aıdan beri ıordanııalyq oppozısıonerler eldegi saılaý zańnamalaryn qaıta qaraý máselesin talap etip keledi. Osyǵan baılanysty iri qalalarda beıbit sherýler de ótip júr.
Egemendik deklarasııasyn maquldady
Ispanııadaǵy Katalonııa provınsııasynyń parlamenti basym daýyspen ózderiniń aýmaqtyq egemendigi deklarasııasyn maquldady. «Gardıan» basylymynyń jazýynsha, bul Katalonııanyń Ispanııadan táýelsizdigin alý týraly referendým ótkizýine jol ashady.Deklarasııany parlament depýtattarynyń 85-i jaqtap daýys bergen, 41-i qarsy bolǵan. Eki depýtat qalys qalǵan. Táýelsizdikke negizinen óńirdegi basqarýshy «Konvergensııa jáne odaq» blogy men respýblıkalyq solshyl partııasy qoldaý bildirgen eken. Al katalonııalyq sosıalıster men Ispanııa halyq partııasy qarsy bolypty. Maquldanǵan deklarasııa sımvolıkalyq qujat bolyp tabylady. Sarapshylardyń pikirinshe, bul qadam Barselona men Madrıdtegi ortalyq úkimet arasyndaǵy qarsylyqty ýshyqtyrýǵa soqtyrýy múmkin. Katalonııa – Ispanııadaǵy ekonomıkasy damyǵan provınsııanyń biri, eldiń IJО́-siniń 20 paıyzy sonyń úlesinde.
Iаdrolyq synaq jasaıtynyn málimdediSoltústik Koreıa BUU Qaýipsizdik Keńesiniń Phenıanǵa qarsy sanksııasyn keńeıtýge jaýap retinde úshinshi ret ıadrolyq synaq jasamaq. Bul jóninde Soltústik Koreıanyń ulttyq qorǵanys komıteti málimdedi.
Málimdemede alys qashyqtyqqa ushatyn zymyrandar KHDR-diń «jaýy» Amerıka Qurama Shtattaryna qarsy baǵyttalatyndyǵy atalǵan. Málimdemede sondaı-aq, sóz «joǵary deńgeıdegi ıadrolyq synaq» týraly bolyp otyrǵandyǵy aıtylǵan. Ulttyq qorǵanys komıtetiniń málimdemesinde ıadrolyq synaqtyń qashan jasalatyndyǵy naqty kórsetilmegen. Birqatar sarapshylar Soltústik Koreıa ýran bombasyn synaqtan ótkizedi degen boljam jasaıdy. Osy jyldyń 22 qańtarynda BUU Qaýipsizdik Keńesi KHDR-diń ótken jyldyń jeltoqsanynda «Ynha-3» zymyranyn ushyrǵanyna jaýap retinde qosymsha sanksııa qabyldaǵan edi.
Qysqa qaıyryp aıtqanda:* Sankt-Peterbýrgtegi Mıhaılov teatryna 10 mıllıard rýbl kólemindegi qarjyǵa alaıaqtyq jasaý isi boıynsha tekserý júrip jatyr. Teatrdyń qazirgi jáne burynǵy basshylarynyń páterleri de tintilýde. * Amerıkalyq Devıd Heldı Úndistannyń Mýmbaı qalasynda bolǵan terrorlyq áreketterdi uıymdastyrýǵa qatysqany úshin 35 jylǵa bas bostandyǵynan aıyrý jazasyna kesildi. *Prıdnestroveniń burynǵy memlekettik qaýipsizdik mınıstri Vladımır Antıýfeevke izdeý jarııalandy. Oǵan qyzmet ókilettigin asyra paıdalanǵan jáne asa iri kólemde memleket qarajatyn urlaǵan degen aıyp taǵylyp otyr. *Fransııa úkimeti Nıger eline ýran kenishterin kúzetý úshin arnaıy maqsattaǵy bólimshe jiberdi. Bul eldegi «Areva» kompanııasy fransýzdarǵa qaraıdy.
Integrasııalyq úderisterge qatyspaıdy
Ulybrıtanııanyń premer-mınıstri Devıd Kemeron Davostaǵy Búkilálemdik ekonomıkalyq forýmda sóılegen sózinde aldaǵy ýaqytta eýropalyq ıntegrasııalaný qatelik bolady dep málimdedi. Sondaı-aq Eýropa elderiniń basshylaryn Eýropa Odaǵyndaǵy saıası baılanystardy tereńdetýge talaptanýdan saqtandyrdy.«Reıter» agenttiginiń habarlaýynsha, Devıd Kemeron forýmda sóılegen sózinde London bul úderisterge qatyspaıtyndyǵyn aıtqan. Onyń sózine qaraǵanda, Eýropa elderiniń árqaısysynyń ózindik tarıhy, óz salt-dástúri bar. Olardyń ózderi jeke sheshim qabyldaǵysy keledi. Sondyqtan olardy ortalyqtandyrylǵan saıası odaqqa tartýdyń qajeti joq. Sonymen birge, premer Ulybrıtanııa Eýropa Odaǵy rynogynyń iri oıynshysy retinde qazirdiń ózinde básekelestikke qabilettilikti arttyrý, terrorızmmen kúres sııaqty negizgi jalpyeýropalyq mindetterdi sheshýge qatysyp júrgendigin atap ótken. «Aldaǵy ýaqytta osyǵan qatysty sheshimder qabyldaý ıntegrasııany qajet etpeıdi», – depti premer-mınıstr.
Álıevtiń eskertkishi basqa jerge kóshiriledi
Ázerbaıjannyń burynǵy prezıdenti Geıdar Álıevtiń Mehıkodaǵy eskertkishi basqa jerge kóshiriletin boldy. «Novostı» aqparat agenttiginiń habarlaýynsha, G.Álıevtiń Mehıkonyń ortalyq saıabaǵynda ornatylǵan eskertkishi bul jerden alynyp, Ázerbaıjan mádenı ortalyǵy ornalasatyn ǵımaratqa qoıylady.Geıdar Álıevke eskertkish Meksıka astanasynda ótken jyldyń jazynda ornatylǵan edi. Aqparat kózderine qaraǵanda, ázerbaıjandyq tarap eskertkish qoıylǵan ortalyq saıabaqtyń ınfraqurylymyna 5 mıllıon dollar jumsaǵan sııaqty. Qala basshylyǵynyń eskertkish ornatý týraly sheshimi kezinde kópshilik tarapynan synǵa ushyraǵan eken. Jaqynda qala bıligi sol synnan qorytyndy shyǵarypty. Ázerbaıjannyń Meksıkadaǵy elshisi Ilgar Muhtarovtyń aıtýynsha, eskertkish saıabaqqa jergilikti bılik pen Ázerbaıjan elshiliginiń kelisimi boıynsha ornatylǵan.
Merekeni qaqtyǵyspen bastady
Keshe Kaırdegi Tahrır alańynda sherýshiler men qaýipsizdik kúshteri qyzmetkerleriniń arasynda qaqtyǵys boldy. Egıpettikter tóńkeristiń eki jyldyǵyn osylaısha qaqtyǵyspen qarsy aldy. Bul jóninde «Ál-Jazıra» habarlady.Qaqtyǵys ereýilshilerdiń parlament pen mınıstrler kabıneti ǵımaratynyń qorshaýyn alyp tastaýǵa áreket jasaýy kezinde bolǵan. Ereýilshilerdiń birqatary polıseılerge tas laqtyryp, el prezıdenti M.Mýrsıdiń otstavkaǵa ketýin talap etken. Al polıseılerdiń ereýilshilerge qarsy kózden jas aǵyzatyn gaz qoldanýlaryna týra kelgen. Qaqtyǵys saldarynan ondaǵan adam zardap shekken. Memleket basshysy tóńkeristiń eki jyldyǵyn beıbit túrde atap ótýge shaqyrýda.
Internet materıaldary negizinde ázirlendi.