Sharaına

Beısenbi, 31 qańtar 2013 7:39

Djon Kerrıdiń kandıdatýrasyn maquldady

AQSh Kongresiniń joǵarǵy palatasy basym kópshilik daýyspen Djon Kerrıdiń kandıdatýrasyn Mem­­­­­­­lekettik departament basshylyǵy qyzmetine taǵaıyndaýdy maqul­­­­­­da­dy. «Frans-press» aqparat agent­tiginiń habarlaýynsha, D.Kerrı­­diń kandıdatýrasyn 94 senator jaqtap daýys bergen, úsh senator qarsy bolǵan.

Beısenbi, 31 qańtar 2013 7:39

Djon Kerrıdiń kandıdatýrasyn maquldady

AQSh Kongresiniń joǵarǵy palatasy basym kópshilik daýyspen Djon Kerrıdiń kandıdatýrasyn Mem­­­­­­­lekettik departament basshylyǵy qyzmetine taǵaıyndaýdy maqul­­­­­­da­dy. «Frans-press» aqparat agent­tiginiń habarlaýynsha, D.Kerrı­­diń kandıdatýrasyn 94 senator jaqtap daýys bergen, úsh senator qarsy bolǵan.

AQSh prezıdenti Barak Obama Massachýsets shtatynan sena­tor­lyqqa saılanǵan Djon Kerrıdi memlekettik hatshy qyzme­tine 2012 jylǵy jeltoqsannyń ortasynda usynǵan edi. Endi ol 2009 jyldan beri Memlekettik hatshy qyzmetin atqaryp kele jatqan Hılları Klıntondy almastyrady. Klınton B.Obama prezı­denttikke qaıta saılanǵannan keıin óziniń otstavkaǵa ketetinin málimdegen bolatyn. Kerrı 2004 jyly Demokratııalyq partııadan prezıdenttik saılaýǵa túsip, kishi D.Býshtan jeńilgen edi.

Malıge 350 áskerı qyzmetshi jibermek

Ulybrıtanııa Malıdegi áskerı qımyldarǵa qatysyp júrgen fransýz áskerılerine qoldaý kórsetý úshin Batys Afrıkaǵa 350-ge jýyq áskerı qyzmetshi jiberetin boldy. Bul jóninde Ulybrıtanııa premer-mınıstri Devıd Kemeronnyń keńsesi málimdedi.

VVS News-tiń jazýyna qaraǵanda, jiberiletin áskerı qyz­­met­shi­lerdiń 40-y malılik armııanyń daıarlyǵyn jaqsartýmen aınalysatyn bolady. Qalǵandary kórshiles afrıkalyq elderge áske­rı keńesshi retinde qyzmet kórsetedi. Keıbir derek kózderi boıynsha birqatar elder Malıdegi áskerı mıssııaǵa qarjylaı da kó­mek berýge nıet tanytyp otyr.Onyń jalpy mólsheri 445,5 mıllıon dol­lardy quraıdy. Mysaly, Eýropa Odaǵy – 67 mıllıon, Ja­po­nııa – 120 mıllıon, AQSh 96 mıllıon dollar bólýge kelisken.

Saılaý naýqanyn 8 aı buryn bastady

Avstralııanyń premer-mınıstri Djýlııa Gıllard kelesi parlamenttik saılaý naýqanyn kútpegen jerden merziminen erte jarııalady. Saılaý osy jyldyń 14 qyrkúıeginde ótkizilýi tıis. Osylaısha bul memleket el tarıhynda saılaý naýqanyn tym erte bastap jiberdi.

Avstralııalyq basylymdardyń jazýynsha, 12 tamyzda Elızaveta II-niń osy eldegi resmı ókili general-gýbernator Kventın Braısqa baratyn kórinedi. Onymen kezdesýde D.Gıllard parla­mentti taratyp, saılaý ótkizý týraly ókim shyǵarýdy usynbaq. Premer-mınıstr segiz aıdy qamtıtyn saılaý naýqany daý-damaısyz ótetinine senimdi. Parlamenttik saılaýǵa áli 226 kún bar. Bul elde premer-mınıstrdiń saılaýdy taǵaıyndaýyna jáne ony ótkizý merzimin jarııalaýǵa quqyǵy bar. Avstralııada parlament­tik saılaý 2010 jyly ótken edi.

Alǵashqy zymyranyn ǵaryshqa shyǵardy

Ońtústik Koreıanyń KSLV-1 zymyrany STSAT-2S jer serigin orbıtaǵa oıdaǵydaı shyǵardy. Olar bul jer serigin reseılikterdiń qatysýymen jasaǵan edi. Bul jóninde «Interfaks» aqparat agenttigi habarlady.

Budan buryn zymyrannyń birinshi jáne ekinshi basqy­shyn­da oryn alǵan aqaý­­­larǵa baılanysty apparatty ushyrý eki ret keıinge qaldyrylǵan bolatyn. KSLV-1 zymyranyn alǵash ret 2009 jyly ushyrǵan edi. Biraq aqaý saldarynan jer serigi or­bı­taǵa shyǵa almaı, atmosferada janyp ketti. Al ekinshi rette de osyndaı jaǵdaı qaıtalandy.

80-ge jýyq adamnyń óli denesi tabyldy

Sırııalyq kóterilisshiler Aleppodaǵy Kýveık ózeninen 80-ge jýyq adamnyń óli denesin alyp shyqty. Jergilikti basylymdardyń habarlaýynsha, olardyń barlyǵy jaqyn qashyqtyqtan bastan atyp óltirilgen.

О́ltirilgenderdiń barlyǵy er adamdar bolǵan, olardyń eń úlkeni 30 jasta, al eń kishisi 11-12 jastardaǵy jasóspirimder kórinedi. Oppozısııadaǵylar ózende áli de ondaǵan adamnyń denesi jatqandyǵyn aıtady. Olardy alyp shyǵýǵa qazirge bolmaıdy, óıtkeni, bul ýchaskeni úkimettik áskerlerdiń mergenderi baqylaýǵa alǵan. О́zennen shyǵarylǵan óli denelerdiń kimdiki ekeni tekserilip jatyr.

Shetel valıýtalaryn satýǵa tyıym saldy

О́zbekstan bankterine jeke tulǵalarǵa shetel valıýtalaryn qolma-qol satýǵa tyıym salyndy. Ol osy jyldyń 1 aqpanynan bastap kúshine enedi.

«Bank.uz» basylymynyń habarlaýynsha, bul jańa ereje О́zbekstan prezıden­­tiniń qaýlysymen bekitiletin bolady jáne soǵan baılanysty respýblıkanyń ortalyq banki ereje ázirleıdi. Jańa erejege sáıkes, endi shetel valıýtalaryn satý tek qolma-qol aqshasyz júzege asyrylady. Ol úshin jeke tulǵalar halyqaralyq plas­tıkalyq kartochka alýy tıis. Sonymen birge, olarda ulttyq valıýta – sýmmen esep aıyrysatyn banktik karta bolýy qajet.

Qysqa qaıyryp aıtqanda:

— Reseılik oppozısıoner Borıs Nemsovty tergeý komıteti jaýap berýge shaqyrdy. Onyń advokaty Vadım Prohorovtyń aıtýynsha, ol «Ońshyl kúshter odaǵy» partııasyndaǵy aqsha alaıaqtyǵyna qatysty is boıynsha suralady.

— Izraıldiń áskerı ushaqtary sońǵy bir táýlikte Oń­­tús­tik Lıvan aýmaǵymen úsh ret ushyp ótken. Bul jóninde Lıvan aqparat quraldary málimdedi.

— Mıanma bıligi 25 jyl boıy jappaı sharalar ótkizýge sa­­­­­­­lynǵan tyıymdy alyp tastady. Kezinde bul azamattardyń quqyǵy men sóz bostandyǵyn buzý dep tanylǵan edi.

— Bolgarııadaǵy esirtki mafııasy basshylarynyń biri – Zla­tomır Ivanov sot ǵımaratyna kóterilip kele jatqan kezde oǵan qarsy oq atylǵan. Ol aıaǵynan jáne búıreginen jaralanǵan.

Internet materıaldary negizinde ázirlendi.