Parlamentshiler Alıanstyń Reseımen qatynasyn, Alıans pen Eýrazııalyq Odaqtyń qaýipsizdik salasyndaǵy yntymaqtastyǵynyń keleshegin, kıberqaýipsizdik, sıfrlyq naryqtar, terrorızmmen kúres, Aýǵanstan men Irakty qalpyna keltirý, ıadrolyq qarýdy taratpaý máselelerin talqylady.
Qazaqstandyq depýtattar quramynda «Slovakııa-Qazaqstan» dostyq tobynyń basshysy P.Marchek, Qorǵanys jáne qaýipsizdik, bilim, ǵylym, jastar jáne sport komıtetteriniń tóraǵalary A.Hrnko men L.Petrak bar Slovakııa Respýblıkasy Ulttyq keńesiniń delegasııasymen kezdesti. Kezdesý aıasynda taraptar ekijaqty yntymaqtastyqty, parlamentaralyq únqatysýdy odan ári damytý máselelerin talqylap, halyqaralyq jaǵdaı týraly pikir almasty.
Parlamentshiler sol kúni Slavın memorıalynda, Ekinshi dúnıejúzilik soǵys kezinde Bratıslavany jaýdan azat etýde qaza bolǵan Keńes áskeri jaýyngeriniń qurmetine ornatylǵan eskertkishte boldy.