Saltanatty jıynda óńir basshysy Abaı aýdanyndaǵy Topar eldi mekeniniń áıelder voleıbol komandasyna jáne «Jiger» stadıonynyń fýtbol ujymyna sporttyq jabdyqtar jıyntyǵyn tartý etti.
Olımpıada chempıony Serik Sápıev te jerlesterin jańa sporttyq nysannyń ashylýymen quttyqtady.
– Mundaı ǵajap sporttyq ǵımarattar jastardy sportpen aınalysýǵa yntalandyrady. Kezinde men sporttyq mektep retinde qaıta jabdyqtalǵan qarapaıym orta mektepte oqyǵan edim. Qazir jaǵdaı jaqsy jaqqa qaraı ózgergen. Balalardyń keń de zamanýı zaldarda jattyǵýǵa múmkindigi bar, – dedi S.Sápıev.
Ishinde jattyǵý, kúres, voleıbol, basketbol jáne shaǵyn fýtbolǵa arnalǵan zaldary bar jańa keshende bir mezgilde 600 adamǵa deıin jattyǵa alady. Sondaı-aq, munda 320 oryndyq kórermen zaly da bar. Bul jerde múmkindigi shekteýli adamdar úshin ústel tennısi, voleıbol jáne jeńil atletıka úıirmeleri uıymdastyrylǵan.
Abaıdaǵy jańa dene shynyqtyrý-saýyqtyrý kesheninde 20 bapker men 30 tehnıkalyq jáne ákimshilik qyzmetker jumyspen qamtamasyz etildi.