Kenshiler astanasyndaǵy «Kógildir toǵandar» shaǵyn aýdanynda ornalasqan №77 orta mekteptegi saılaý ýchaskesine Qaraǵandy qalasynyń eń qart turǵyndarynyń biri, Uly Otan soǵysynyń ardageri, 96 jastaǵy Búrkit Esjanov jubaıymen kelip, daýys berdi.
– Báıbishemiz ekeýimiz qýanyshty jaǵdaıda zor úmitpen daýys berdik. Biz tańdaǵan adam jumysqa qabiletti, halyqtyń, eńbekshilerdiń ótinish-tilekterine muqııat bolady degen senimdimin, – dedi Búrkit Esjanov.
Aıta ketý kerek, Qaraǵandy oblysyndaǵy saılaý ýchaskeleriniń barlyǵynda múmkindigi shekteýli jandarǵa qolaıly jaǵdaıdyń bári jasalǵan: olar úshin daýys berýge arnalǵan jeke kabınkalar quryldy jáne jáshikter qol erkin jetetindeı deńgeıde ornalastyrylǵan. Keıbir ýchaskelerde býfetter jumys istep tur.
Halyqaralyq jáne táýelsiz uıymdardyń atynan saılaý barysyn baqylaýǵa nıet bildirgen baıqaýshylar úshin saılaý ýchaskelerinde barlyq jaǵdaı qarastyrylǵan.