Memleket basshysy №115 saılaý ýchaskesine baryp, daýys berdi. Bul týraly Aqordanyń baspasóz qyzmeti habarlady.
Jýrnalıster aldynda sóılegen sózinde Qasym-Jomart Toqaev Prezıdent saılaýynyń tarıhı kún ekenin atap ótti. Ol bılik tarapynan saılaýdyń ashyq ári demokratııaly ótýi úshin barlyq jaǵdaı jasalǵanyn aıtty.
- Meniń oıymsha, ár saılaý, ásirese, Prezıdent saılaýy «qaqtyǵys alańy» emes. Bul – úmitkerlerdiń usynystary, baǵdarlamalary básekege túsetin doda. Bizdiń halqymyz elde bolyp jatqan saıası oqıǵalarǵa eshqashan beıjaı qaraǵan emes. Osy joly da Qazaqstan halqy ózderiniń azamattyq belsendiligin tanytyp, memleketimizdiń bolashaǵy úshin daýys beredi dep úmittenemin, – dep málimdedi Qasym-Jomart Toqaev.
Sońynda Memleket basshysy otandyq jáne sheteldik buqaralyq aqparat quraldary ókilderiniń saýaldaryna jaýap berdi.