Qyzylorda oblysynda eriktiler jalǵyz basty anaǵa úı salyp berdi. Anarkúl Belasarova ekinshi toptaǵy múgedek. Qoly qysqa ana úı kótere almaı júrgen. Osynyń bárin baǵamdaǵan azamattar jas kásipkerlerdi tartyp bir aıda úsh bólmeli úıdi turǵyzdy.
«Kóp túkirse kól» deıdi halyq danalyǵy. Biri kirpish, biri aǵash, biri qajet qurylys materıaldaryn alyp berip, qamkóńil anaǵa qýanysh syılady.
Eriktiler tobynyń jetekshisi Qoǵambek Beısembıev qaıyrymdylyq halqymyzǵa tán qasıet ekendigin aıtady. Buryndary da úı salýǵa jaǵdaıy kelgenimen jumys qoly joq otbasylarǵa aýyl bolyp asarlatyp úı kóterip berý dástúri bar. Al, turmysy tómen, kóp balaly otbasylarǵa kómek qolyn sozý-ár azamattyń boryshy.
Eriktiler saýapty isterin ári qaraı jalǵastyrmaq nıette áleýmettik dúken ashyp otyr. Ondaǵy maqsat turmys qıyndyǵymen betpe-bet qalǵan aýyldastaryna járdemdesý. Qaıyrymdylyq sharasy osylaı jalǵasa beretin bolady.
Qyzylorda oblysy