Kedergisiz jáne ashyq ótti

Jıynda Túrki tildes elder Parlamenttik Assambleıasy ókilderi 9 maýsymda ótken Pre­zıdent saılaýyna qatysty oılaryn ortaǵa saldy.

«TúrkPA quramyndaǵy Ázer­baıjan, Túrkııa, Qyrǵyz­stan elderiniń depýtattary jáne dıp­lomatııalyq hatshylyq saılaý­ǵa baıqaýshy retinde qatysty. Dele­gasııanyń negizgi quramy 6 maýsym kúni keldi. Biz Nur-Sultan, Almaty, Shym­kent, Túrkistan syndy iri qala­lar­daǵy saılaý barysyn baqy­la­dyq», dedi TúrkPA bas hat­shy­­sy­nyń orynbasary Álı Juldyz.

Budan ári sóz alǵan Túrkııa uly ulttyq jınalysynyń depýtaty Ismet Ýchma Prezıdent saılaýy eshqandaı kedergisiz ashyq ótkenin aıtty.

«Bizdiń delegasııa saılaý kúni birqatar ýchaskelerdiń jumysyn baqylady. Saılaý eshqandaı qıyndyqsyz ótti. Ortalyq saılaý komıssııasy­nyń málimetinshe, saılaýshylar sany 77,4 paıyzǵa jetken. Bul kórsetkish Qazaqstandaǵy demokratııa jaǵdaıynyń jo­ǵary deńgeıde ekenin kórsetedi. Jer­gilikti halyq Konstıtýsııa­ǵa sáıkes, óz daýystaryn qala­ǵan kandıdattaryna berdi. Qart kisilerdiń jáne múmkindigi shekteýli azamattardyń úıden daýys berýine jaǵdaı jasaldy. Sondaı-aq shetelde júrgen qazaqstandyqtar da saılaýǵa belsendi túrde qatysa aldy. Saılaý barysynda halyqara­lyq baqylaýshylar jumysyna eshqandaı kedergiler bolmady», dedi Ismet Ýchma.

Sondaı-aq ol «Aq jol» par­­tııasynan prezıdenttikten úmitker bolyp saılaýǵa qatys­qan Danııa Espaeva jaıynda aıtyp ótti.

«TúrkPA delegasııasy saı­laýǵa  deıin ár kandıdattyń shtab jumystaryn  da baqyla­dy. О́zderińiz biletindeı, 7 kandıdat qatysty. Úmitkerler arasynda jalǵyz áıel adam boldy. Danııa Espaevanyń pre­zıdenttikten úmitker bolyp saılaýǵa túsýi Qazaqstanda gen­derlik teńdiktiń bar ekenin kór­setedi», dedi ol.