Elektrmobılderdiń tuńǵysh sherýi ótti

El nazaryn ózine aýdaratyn jaǵymdy jańalyqtyń tu­saýkeserinde Halyqaralyq ja­syl tehnologııalar jáne ınves­tısııalyq jobalar ortalyǵynyń basshysy Rápil Joshybaev pen Qazaqstandaǵy BUU Damý baǵ­darlamasynyń turaqty ókili Vıtalıı Vremısh aq jol tiledi. 

Avtosherý aldynda IGTIC alańynda ortalyq jáne jer­gilikti memlekettik organ­dardyń, avtokólik kompanııala­ry men halyqaralyq uıymdardyń, is­kerlik orta ókilderiniń qaty­sýy­men dóńgelek ústel ótip, balamaly kólik túriniń jetistikteri qolmen qoıǵandaı túsindirildi. Bul basqosýǵa múddeli uı­­ym­dar­dyń ókilderi qatysty. Qol­­je­timdi tehnologııanyń eń úz­­digin paıdalana otyryp, ha­lyqaralyq jasyl tehnologııalar jáne ınvestısııalyq jobalar ortalyǵy Qazaqstanda jeńil kólikterdi ǵana emes, sonymen birge júk elektrmobılderin shyǵaratyn óz óndirisin qalyp­tas­tyrýǵa yntaly. Bul degenińiz, aldymen myń­daǵan jańa jumys orny. Oǵan qosa, ómirsheń bız­nestiń damýy. 

Elektrkarlar kórmesine otan­dyq óndiristiń ónimderi av­to­mobıl túrlerimen birge ame­­rıkalyq Tesla, nemistiń BMW jáne Smart Fortwo ED, ja­pon­dyq Lexus, brıtandyq Jaguar já­ne qytaıdyń Ankai kompa­nııa­larynyń ókilderi qatysty. Jurt nazaryn Jrun elektrkarlar komandasynyń NU Team stýdentter jobasy aýdardy. Kó­liktiń ár bólshegi muqııat esep­telip, tıimdi jasalǵan eken. Qurastyrýshy ınjenerleri men konstrýktorlary – Nazarbaev Ýnıversıtettiń tórtinshi kýrs stýdentteri. NURIS komanda­sy­nyń qoldaýymen stýdentter bir jyl ishinde áýeli jobalap, sodan soń jınap úlgergen. Sıngapýrde elektrkarlar kategorııasy bo­ıyn­sha ótken baıqaýda 14-oryn alypty.

Búgingi tańda elektrmobılder elge tańsyq emes. 2016 jyldan bastap Qostanaıda qytaılyq áriptestermen birlesip shyǵara bastady. Sóz arasynda JAC iEV7S modeliniń Qazaqstanda shyǵaryla bastaǵanyn, Eýrazııalyq odaqtyń kóliktiń osy túri boıynsha resmı quptaýyna ıe bolǵanyn aıta ketken lázim. Birlese shyǵarýdyń ózindik máni de bar. 2018 jyly álemde elektrmobıl túrlerin shyǵarýdan Qytaı kósh bastap keledi. Olarda 1 200 000 osyndaı kólik túrleri shyǵarylyp, satylǵan. 

Aıtpaqshy, bul shara Dúnıe­júzilik qorshaǵan ortany qorǵaý kúnine oraı Tuńǵysh Prezıdent – Elbasy Nursultan Nazarbaevtyń tapsyrmasyn júzege asyrý baǵy­tynda uıymdastyrylyp otyr.