Qasym-Jomart Toqaevty BUU 8-shi Bas hatshysy Pan Gı Mýn quttyqtady. BUU 8-shi Bas hatshysy, Ionse ýnıversıtetiniń janyndaǵy Jahandyq is-qımyldar ınstıtýtynyń qurmetti tóraǵasy Pan Gı Mýn Qasym-Jomart Toqaevty jaýapty memlekettik laýazymǵa saılanýymen shyn júrekten quttyqtady. Jedelhatta Memleket basshysynyń BUU Jenevadaǵy bólimshesiniń Bas dırektory qyzmetin atqarǵan kezdegi jumys tájirıbesi, ártúrli múddeli taraptardy kelisimge keltirý qabileti Qazaqstandy órkendetýge septigin tıgizetinine senim bildirgen.
«Qazaqstan – qazirgi ýaqytta ornyqty damýy men ınklıýzıvti ósimin aıqyn kórsetip kele jatqan biregeı memleket. Sizdiń dıplomatııany tereń túsinetinińiz elińizdegi memlekettik qurylys pen áleýmettik-ekonomıkalyq damýǵa yqpal etedi dep oılaımyn. Aldaǵy ýaqytta álemniń bolashaǵyn jarqyn etý maqsatynda kúsh-jiger biriktirip, yntymaqtastyǵymyzdy jalǵastyra bergimiz keledi», delingen jedelhatta.
Reseı Federasııasynyń Prezıdenti Vladımır Pýtın Qasym-Jomart Toqaevtyń Prezıdent saılaýyndaǵy aıqyn jeńisi Memleket basshysynyń óz otandastary arasyndaǵy bedeliniń joǵary jáne Qazaqstannyń ornyqty áleýmettik-ekonomıkalyq damýyna baǵyttalǵan baǵdardy jalǵastyrýǵa, onyń syrtqy saıası múddelerin qorǵaýǵa, eki el arasyndaǵy strategııalyq seriktestik pen odaqtastyqty jan-jaqty nyǵaıtýǵa nıetti ekenin kórsetetinin jetkizdi.
«Ekijaqty baılanystardy nyǵaıtý úshin Sizben tyǵyz jumys isteýdi jalǵastyrýǵa, sondaı-aq, Reseı men Qazaqstannyń dostas halyqtarynyń ıgiligi úshin eýrazııalyq keńistiktegi ózara tıimdi ıntegrasııalyq úderisterdi ilgeriletýge daıyn ekenimizdi rastaǵym keledi», – delingen jedelhatta.
О́zbekstan Respýblıkasynyń Prezıdenti Shavkat Mırzııoev daýys berý qorytyndysy baýyrlas Qazaqstan halqynyń Qasym-Jomart Toqaevqa tolyq senim artqanyn jáne keń kólemde qoldaý kórsetkenin taǵy da dáleldedi dedi. Onyń pikirinshe, bul Memleket basshysynyń elimizdiń ornyqty damýy men halyqaralyq bedelin arttyrýǵa, saıası baǵdar men mańyzdy áleýmettik-ekonomıkalyq reformalardyń dáıekti jalǵasýyna degen senim bolyp sanalady.
«Elderimiz ben halyqtarymyzdyń múddesi úshin ózara kúsh biriktire otyryp, ózbek-qazaq strategııalyq seriktestigin odan ári damytyp, nyǵaıta beretinimizge senimdimin», – delingen jedelhatta.
Tájikstan Prezıdenti Emomalı Rahmon óz quttyqtaý hatynda Qazaqstan halqynyń erki men yqylasy Memleket basshysynyń qyzmetine degen zor senimniń kórinisi bolyp sanalatynyn aıtqan.
«Búginde strategııalyq seriktestik aıasynda tabysty damyp kele jatqan eki eldiń kópqyrly qatynastarynyń dáıekti keńeıýiniń berik jaqtaýshysy retinde biz Sizdi bilemiz ári qurmetteımiz. Tájik-qazaq yqpaldastyǵyn odan ári jan-jaqty tereńdetýge múddelimiz. О́zara kúsh biriktire otyryp, eki el arasyndaǵy yntymaqtastyqty halyqtarymyzdyń ıgiligi úshin jańa deńgeıge kótere alatynymyzǵa senim bildiremin», delingen quttyqtaý hatta.
Qyrǵyz Respýblıkasynyń Prezıdenti Sooronbaı Jeenbekov óz jedelhatynda Qasym-Jomart Toqaevtyń Prezıdent saılaýyndaǵy aıqyn jeńisi Qazaqstannyń odan ári ornyqty damýyna, baýyrlas eki halyqtyń dostyǵy men tatý kórshiligine, sondaı-aq, elderimiz arasyndaǵy strategııalyq áriptestikti keńeıtýge septigin tıgizetinine senim bildiredi.
Ázerbaıjan Respýblıkasynyń Prezıdenti Ilham Álıev óz quttyqtaý hatynda: «Ázerbaıjan-qazaq qatynastary halyqtarymyzdyń ortaq tarıhyna, ulttyq jáne dúnıetanymdyq tamyryna negizdeledi. Berik negizge súıengen memleketaralyq baılanystarymyz ben strategııalyq seriktestigimizdi odan ári damytý jáne berik qarym-qatynastarymyz ben kópqyrly yntymaqtastyǵymyzdy tereńdete túsý úshin birge kúsh jumyldyratynymyzǵa senemin», dep jazǵan.
Serbııa Respýblıkasynyń Prezıdenti Aleksandr Výchıch óz eliniń Qazaqstanmen dostyq baılanystarǵa zor mán beretinin jáne berik qarym-qatynastar men keń yntymaqtastyqty nyǵaıtýǵa múddeli ekenin aıtty.
«Sizdiń saıası tájirıbeńiz ben ıdeıańyzǵa zor senim artqan Qazaqstan azamattarynyń arqasynda Siz elińizdi damý jolyna jeteleısiz», delingen Serbııa Prezıdentiniń jedelhatynda.
Majarstan Premer-Mınıstri Vıktor Orban Memleket basshysyn Qazaqstan Respýblıkasynyń Prezıdenti laýazymyna saılanýymen quttyqtady jáne ol óz Úkimetimen birlesip, majar jáne qazaq halyqtarynyń arasyndaǵy dostyqty tereńdetý úshin aıanbaı eńbek etetinine senim bildirdi.
BUU О́rkenıetter alıansynyń joǵary ókili Mıgel Anhel Moratınos Qasym-Jomart Toqaevty prezıdent saılaýyndaǵy aıqyn jeńisimen quttyqtap, Alıanstyń Qazaqstanmen yqpaldastyǵynyń jaqsy ekenin atap ótti. Sonymen birge, ózara áriptestiktiń odan ári keńeıe túsetinine úmittenetinin aıtty.
Amerıka-Qazaqstan iskerlik assosıasııasynyń atqarýshy dırektory Sara Nıkel Prezıdent Toqaevtyń Qazaqstanda bıznesti qoldaýǵa qajetti ekonomıkalyq ósim men reformalardy ilgeriletý isindegi tájirıbesi baı ekenin atap ótti.
«Sizdiń Prezıdent bolyp saılanýyńyz ben «Astana» halyqaralyq qarjy ortalyǵy sııaqty mańyzdy bastamalardyń jalǵasýy ınvestorlar úshin memlekettiń uzaqmerzimdi damý, gúldený jáne halyqaralyq áriptestik baǵytyndaǵy ustanǵan jolyna beriktigi týraly belgi bolyp tabylady», delingen jedelhatta.
Sonymen qatar Qasym-Jomart Toqaevtyń atyna óz quttyqtaýlaryn Majarstan Prezıdenti Iаnosh Ader, Grýzııanyń Prezıdenti Solome Zýrabıshvılı, Moldova Respýblıkasynyń Prezıdenti Igor Dodon, Grýzııanyń Premer-Mınıstri Mamýka Bahtadze, Bolgarııa Respýblıkasynyń burynǵy Prezıdenti Petr Stoıanov joldady.
Eýropalyq keńes tóraǵasy Donald Týsk óziniń quttyqtaý hatynda Eýropalyq odaqtyń Qazaqstanmen qarym-qatynasyna beıildi ekenin taǵy bir naqtylaǵan.
«Qazaqstan – Eýropalyq odaqtyń mańyzdy áriptesi. Qazaqstan men Eýropalyq odaq arasyndaǵy áriptestik pen yntymaqtastyq jónindegi kelisim, bolashaqtaǵy tereńdetýge umtylǵan bizdiń mazmundy is-qımylymyzdyń negizi bolyp tabylady», delingen jedelhatta.
Donald Týsk beıbitshilik, turaqtylyq pen ósip-órkendeý bolyp tabylatyn Qazaqstannyń aımaqtyq yntymaqtastyq pen dıalogtardy júrgizýdegi rólin quptady.
Cheh Respýblıkasynyń Prezıdenti Mılosh Zeman da Qasym-Jomart Toqaevty Qazaqstan Respýblıkasynyń Prezıdenti laýazymyna saılanýymen quttyqtady.
«Men Sizdiń Qazaqstan Respýblıkasynyń Prezıdenti laýazymyna saılanǵanyńyz týraly habardy úlken qýanyshpen qabyldadym. Sizdiń basshylyǵyńyzben eki eldiń dostyq qarym-qatynasy budan ári qaraı da nyǵaıyp, yntymaqtastyǵymyz halyqtarymyzdyń ıgiligi úshin damı beretinine naq senimdimin», delingen jedelhatta.
TMD Atqarýshy komıtetiniń tóraǵasy – Atqarýshy hatshysy Sergeı Lebedev óziniń quttyqtaý jedelhatynda, TMD elderiniń atynan baıqaýshylar mıssııasynyń jetekshisi retinde Qasym-Jomart Toqaevtyń Qazaqstan halqynyń aldynda úlken senimge ıe ekenine shynaıy kóz jetkizgenin atap ótken.
«Sizdiń Memleket basshysy laýazymyndaǵy qyzmetińiz budan ári qaraı da Qazaqstan Respýblıkasynyń qaryshtap damýyna, halyqaralyq deńgeıde óz ustanymyn nyǵaıtýǵa, sondaı-aq Táýelsiz memleketter dostastyǵy keńistigindegi ıntegrasııalyq úderisterdiń tereńdeı túsýine zor yqpal etetinine senimdimin», delingen jedelhatta.
Tatarstan Prezıdenti Rýstam Mınnıhanov halyqtyń qoldaýy asa jaýapty laýazymda jemisti qyzmet etý úshin berik ári qýatty qural dep atap ótken.
«Bizdiń baýyrlas Tatarstan men Qazaqstan halyqtarynyń arasyndaǵy konstrýktıvti jáne tilektes yntymaqtastyq dástúrimizdi Reseı-Qazaqstan kópqyrly strategııalyq qarym-qatynasynyń bir bóligi retinde qarastyryp, ózara mazmundy is-qımyldy arttyratynymyzǵa senimdimin», delingen jedelhatta.