Qasym-Jomart Toqaev Birikken Ulttar Uıymynyń Bas hatshysy Antonıý Gýterrıshpen telefon arqyly sóılesti, dep habarlady Qazaqstan Prezıdentiniń baspasóz qyzmeti.
Antonıý Gýterrısh Qasym-Jomart Toqaevty Prezıdent saılaýyndaǵy aıqyn jeńisimen quttyqtady.
BUU-nyń Bas hatshysy Memleket basshysyna tabys tilep, onyń joǵary laýazymdaǵy qyzmeti Qazaqstan halqynyń yrysy men birligin nyǵaıtýǵa baǵyttalatynyna senim bildirdi.
– Sizdi Birikken Ulttar Uıymynda tájirıbeli de tanymal saıası qaıratker retinde jaqsy bilemiz. О́zińizdi dosymyz dep sanaımyz, – dedi A.Gýterrısh.
Qasym-Jomart Toqaev Antonıý Gýterrıshke quttyqtaǵany úshin rızashylyq bildirip, Qazaqstannyń BUU-men yqpaldastyǵyn odan ári pármendi túrde jalǵastyrýǵa nıetti ekenin aıtty.
Suhbat barysynda ekijaqty yntymaqtastyq pen jahandyq Uıymnyń kún tártibindegi máseleleri talqylandy.