Beısenbi, 14 naýryz 2013 2:51
AQSh daǵdarystyń taǵy bir tolqynyn kútip otyr
Daǵdarystyń saldary álemdi áli de biraz sarsańǵa salar túri bar. Máselen, ınternet ıirimderindegi aqparatqa súıensek, AQSh ekonomıkasy da qarjylyq daǵdarystyń quryǵyna túsken. Aıtalyq, Roubini Global Economics-tiń jetekshisi, Amerıkanyń ekonomıst ǵalymy Nýrıel Rýbınıdiń aıtýynsha, AQSh-tyń kelisilmegen fıskaldyq saıasaty eldegi IJО́-niń ósimin 1,5 paıyzǵa deıin tejeıtin kórinedi.
Beısenbi, 14 naýryz 2013 2:51
AQSh daǵdarystyń taǵy bir tolqynyn kútip otyr
Daǵdarystyń saldary álemdi áli de biraz sarsańǵa salar túri bar. Máselen, ınternet ıirimderindegi aqparatqa súıensek, AQSh ekonomıkasy da qarjylyq daǵdarystyń quryǵyna túsken. Aıtalyq, Roubini Global Economics-tiń jetekshisi, Amerıkanyń ekonomıst ǵalymy Nýrıel Rýbınıdiń aıtýynsha, AQSh-tyń kelisilmegen fıskaldyq saıasaty eldegi IJО́-niń ósimin 1,5 paıyzǵa deıin tejeıtin kórinedi. Mundaı jaǵdaıda bólshek saýda máselesi apatqa ushyrap, ınvestorlar 2013 jyldyń aıaǵyndaǵy eseńgireý ahýalyna daıyn bolý kerek. Nýrıel Rýbını memlekettik shyǵyndardy qysqartý sharalarynan shyǵa almaı qalǵan Eýropada jaǵdaı múlde qıyn bolatyndyǵyn alǵa tartady. Ol sondaı-aq, kári qurlyqty shaıqaltatyn kelesi «sýnamı» Italııadan bastaý alatyndyǵyn aıtypty.
«Fıskaldyq quldyraýdan» shyǵýdyń ádisterin tabýdaǵy Aq úı men Kongress arasyndaǵy kelispeýshilik qazirdiń ózinde Amerıka bıýdjetiniń shyǵys bóligin eriksiz qysqartýǵa, ıaǵnı sekvestrge ushyratýǵa ákelip soqtyrdy. Senattaǵy respýblıkashylar men Aq úıdegi demokrattardyń ózara kelisimge kele almaýynyń saldarynan AQSh qazynasy bıyl 85 mlrd. dollarǵa azaıatyn boldy. Halyqaralyq valıýta qorynyń (HVQ) boljamy boıynsha sekvestr saldarynan amerıkalyq ekonomıkanyń damý deńgeıi boljanǵan 2 paıyzdan 1,5 paıyzǵa deıin tómendeıdi. Al Búkilálemdik bank bul kórsetkish 1,9 paıyz deńgeıinde bolady deıdi.
Nýrıel Rýbınıdiń pikirinshe, eldegi tutyný suranymynyń ósý qarqyny qazirdiń ózinde quldyrap ketken. Demokratııalyq partııa men Obamanyń bastamasy boıynsha 2013 jyly bir adamǵa shaqqanda 400 myń dollar nemese erli-zaıyptylarǵa shaqqanda 450 myń dollar tabys tabatyn naqty tulǵalarǵa salynatyn salyq 35 paıyzdan 39,6 paıyzǵa deıin ósetin bolady. AQSh salyq ortalyǵynyń esepteýleri boıynsha eń baı amerıkalyqtarǵa salynatyn 20 paıyz salyqty qosa eseptegende salyq kólemi 1979 jyly bolǵan eń joǵary deńgeıge kóteriletin bolady. Rýbınıdiń málimdeýinshe AQSh ekonomıkasynyń damýy jyljymaıtyn múlik rynogyndaǵy ósimge tikeleı baılanysty. Sonymen birge, ekonomıst sońǵy kezde eldiń Federaldyq rezerv júıesi qabyldaǵan sharalardyń tıimdiligi tómendep ketkenin, al jumys oryndary barǵan saıyn qysqaryp bara jatqandyǵyn alǵa tartady.
Brıtanııada jyljymaıtyn múlik qymbattady
Halifax.co.uk saıtynyń habarlaýynsha, Brıtanııada aqpan aıynda jyljymaıtyn múlikke baǵanyń ósimi baıqalypty. Bul qymbatshylyq áli de jalǵasa bermek.
Sarapshylardyń aıtýyna qaraǵanda, baǵa bir aıǵa shaqqanda 0,5 paıyzǵa deıin kóterilip, 163,6 myń fýnt sterlıngke jetken. Al jyldyq kórsetkishtermen eseptegende, 2,1 paıyzǵa artqan.
«Turǵyn úı baǵasynyń bulaısha qymbattaýyna sońǵy aılarda jyljymaıtyn múlik rynogy qyzmetiniń birshama jaqsarýy áser etip otyr deıdi, Halifax ekonomısi Martın Ellıs. Sondaı-aq, ol ústimizdegi 2013 jylda jyljymaıtyn múlikke baǵa áli de ósetinin boljap otyr. Martın Ellıs sonymen qatar, halyqtyń tabysy azaıyp jáne de eldiń ekonomıkalyq ósiminiń tómendeýi turǵyn úı saýdasyna birshama keri áserin tıgizip, suranysty azaıtatynyn mysalǵa keltiripti.
Halifax málimetterine súıensek, sońǵy úsh aıda brıtanııada turǵyn úı jyljymaıtyn múligine baǵa 1,9 paıyzǵa ósken.
Reseıde jumyssyzdyq artty
Utro.ru saıty Reseıde de jumyssyzdar sany artqanyn habarlady. Reseıdiń Eńbek jáne áleýmettik qorǵaý mınıstrliginiń derekterine súıene otyryp, 2013 jyldyń 30 qańtarynan 27 aqpanyna deıingi aralyqta naqty jumyssyzdar sany 3,36 paıyz, ıaǵnı 35 myń 983 adamǵa kóbeıip 1 mıllıon 105 myń 645 adamdy qurady delingen. Mınıstrlik jumyssyzdar qatarynyń bulaısha artýyna maýsymdyq faktor áser etip otyr dep túsindiripti.
Jumyspen qamtý ortalyqtarynda tirkelgen jaǵdaıǵa sáıkes, jumyssyzdyqtyń ósýi 2013 jyldyń aqpan aıynda Reseıdiń 81 óńirinde baıqalǵan. Onyń ishinde Nenes avtonomııalyq okrýginde, Hakasııa Respýblıkasynda, Tyva Respýblıkasynda, Sahalın oblysynda, Evreı avtonomııasy aýmaǵynda, Saha Respýblıkasynda tez óskeni belgili bolyp otyr.