Elimizde bul jumyspen Qazaq balyq sharýashylyǵy ǵylymı-zertteý ınstıtýty aınalysady. Baǵaly balyqtardyń mıgrasııalyq joldaryn zertteýdi, tabıǵı jáne jasandy popýlıasııa deńgeıin anyqtaýdy maqsat etken is-shara bıyl da jalǵasyn tapty.
– Ár ustalǵan tuqym berýshi balyqqa jáne jas balyqqa mamandar genetıkalyq tólqujat jasaıdy. Arnaıy tańba nómiri boıynsha balyqtyń qaıdan kelgeni, «ata-anasy», qaı zaýyttan shyqqany nemese tabıǵı jolmen paıda bolǵany, jasy, salmaǵy, jynysy týraly aqparattardy bilýge múmkindik bar. Sol arqyly ár eldiń, zaýyttyń bekire tuqymdas balyqtardy qalpyna keltirý úderisine qosqan úlesi de belgili bolady, – deıdi atalǵan seriktestiktiń Atyraýdaǵy fılıalynyń basshysy Erbolat Qadımov. – Shabaqtardyń ómirsheńdigi týraly naqty aqparattyń bolmaýy bekire zaýyttary bar Kaspıı mańy memleketteri úshin ortaq problema.
Atyraýdaǵy eki bekire ósirý zaýyty 20 jylda bekire, shoqyr, qortpa sekildi baǵaly balyqtardyń júz mıllıonnan astam shabaǵyn teńizge jiberdi.
ATYRAÝ