– Stýdentter arasyndaǵy aıtýly jarys bıyl 19 márte uıymdastyrylyp otyr. Onyń deńgeıi jyldan jylǵa artyp keledi. Bul kúnderi el maqtanyshyna aınalǵan sańlaqtarymyzdyń talaıy kezinde dál osy týrnırde kúsh synasyp, úlken tájirıbe mektebinen ótti. Solardyń qatarynda Baqtııar Artaev, Baqyt Sársekbaev, Jánibek Álimhanuly, Ábilhan Amanqul jáne taǵy basqa myqtylar bar. Qazir de biraz tanymal boksshylar Almaty rınginde kúsh synasýǵa bel býyp otyr. Olarǵa da biz joǵaryda esimderi atalǵan aldyńǵy býyn aǵalarynyń jolyn bersin dep tileımiz, – deıdi Qazaqtyń Sport jáne týrızm akademııasyndaǵy boks jáne aýyr atletıka kafedrasynyń meńgerýishisi Taıyrjan Ysqaqov.
Jarystyń ashylý saltanatyna Olımpıada chempıony Ermahan Ybyraıymov, boks ardagerleri – Bolat Saǵyndyqov, Serik Ábdenálıev, Borıs Shvırashvılı, Edýard Gabdýlov, Hamıt Baraev, Dastan Sádýaqasov qatysyp, qatysýshylarǵa aq jol tiledi.