Tili byldyrlap, qulynshaqtaı quldyrańdap júrgen sábı terezeden qulaǵan kezde anasy men aǵa-ápkesi úıde bolǵan.
Qaıǵyly oqıǵa oblys ortalyǵynda oryn alǵan. Tótenshe jaǵdaılar departamenti taratqan habarlamaǵa qaraǵanda, bes qabatty úı bıiktiginen qulaǵandyqtan, birden til tartpaı kelgen. Oıyn balasynan úıdegi anasy men aǵa-ápkesi bir sát kóz jazyp qalǵan. Oınap júrip, tereze jaqtaýyna shyǵyp ketken. Onyń aqyry joǵarydaı qaıǵyly jaǵdaıǵa soqtyrǵan.
«Byltyr tereze jaqtaýynda júrgen kishkentaı bala qutqarylǵan bolatyn. Sábıdi kóshede ótip bara jatqan turǵyndar baıqap qalyp, jedel tobyn shaqyrǵan. Mundaı oqys oqıǵalar kóp jaǵdaıda ata-analardyń salǵyrttyǵynan týyndap jatady. Sondyqtan saqtyq sharalaryn kúsheıtip, óte abaı bolǵan jón», deıdi departament bastyǵynyń orynbasary Erik Sarybaev.