Denıs Ten 1993 jyly 13 maýsymda Almatyda dúnıege kelgen. Ol 2009 jyly álem chempıonatyna alǵash ret qatysyp, úzdik on mánerlep syrǵanaýshynyń qataryna kirdi. Osylaısha Qazaqstanǵa Vankýver Olımpıadasyna qos birdeı joldama alyp berdi. 2010 jylǵy Olımpıadada eń jas qatysýshy bolǵanyna qaramastan, on birinshi orynnan kórindi.
2010 jyly Denıs bapkerin aýystyrdy. Elena Býlıanovadan Iýrıı Gýskovqa ketti. Sol jyly jazda sportshy Kalıfornııaǵa qonys aýdaryp, Los-Andjeleste amerıkalyq bapker Frenk Kerolldyń komandasynda jattyǵa bastady.
2011 jyldyń aqpanynda Qazaqstanda ótken VII qysqy Azııa oıyndarynda Denıs Ten altyn júldeni aldy.
Kanadada ótken álem chempıonatynda Denıs óziniń jeke rekordyna – 266,48 balǵa qol jetkizdi. Erkin baǵdarlamada úzdik shyǵyp, qorytyndyda kanadalyq Patrık Channan nebári 1,3 balǵa qalyp, kúmis júldeni enshiledi. Sóıtip qazaqstandyq mánerlep syrǵanaýshylar arasynda alǵash ret álem chempıonatynyń júldegeri atandy.
Eske salsaq, qazaqstandyq mánerlep syrǵanaýshy Denıs Ten 19 shilde kúni pyshaq jaraqatynan qaza bolǵan edi.