Qyzylorda oblysynda jekemenshik áriptestik jobalary jaqsy qarqyn aldy. Bul rette Jańaqorǵan aýdanyn mysalǵa alýǵa bolady. Aýdan kásipkerlerimen 40 joba maquldansa endi onyń on altysy bıyl paıdalanýǵa beriledi.
Bıyl Bılibaı aýylynda feldsherlik-akýsherlik beketi iske qosylsa, endi alty aýylda osynda ambýlatorııalyq nysandar salynady eken. Munyń bári aýdandaǵy kásipkerlerdiń kómegimen júzege asyrylyp jatyr.
Al, elge belgili kásipker Talǵat Ysqaqov Jańaryq aýylynda úsh júz adamǵa arnalǵan sport kesheniniń qurylysyn bastady. Sondaı-aq, memlekettik jekemenshik áriptestik jobasy aıasynda bıyl on eldi mekende saýyqtyrý ortalyqtarynyń shańyraǵy kóteriledi eken.
Bul joba eki jaqqa da tıimdi. Memleket osy nysandardy salýǵa ketetin qarjyny áleýmettik salanyń osal tustaryna baǵyttalsa, kásipker qarjysyn eseleýge múmkindik alady. Eń bastysy, ózine kásipker bolýyna jaǵdaı týǵyzǵan Otanynyń myqty bolashaǵyna úlesin qosady.