Prezıdent Qasym-Jomart Toqaev xalyqtyń 70%-dan astam daýysyn jınap, jeńiske jetkendigine qatysty jańalyqty estýime oraı shyn júrekten qýanyshymdy bildiremin.
Prezıdent Nursultan Nazarbaev óz erkimen ókilettigin toqtatqan soń, Konstıtýsııaǵa sáıkes Prezıdent laýazymyna Qasym-Jomart Toqaevtyń kandıdatýrasyn usyndy.
Aqparat kózderine sáıkes, daýys kórsetkishiniń 70%-dan asýy Qazaqstannyń Tuńǵysh Prezıdenti N.Nazarbaevtyń júrgizip kelgen saıasatynyń joǵary baǵalanýymen baılanysty.
Q.Toqaev óz kezeginde osy saıası baǵytty odan ári jalǵastyramyn degen maqsatpen saılaýǵa tústi. Endi Qazaqstan álemdegi óziniń ornyn saqtap qana qoımaı, nyǵaıta túsedi dep nyq senimmen aıtýǵa bolady.
Takeo KAVAMÝRA,
Japonııa Parlamentiniń Qazaqstanmen dostyq lıgasynyń tóraǵasy, О́kilder Palatasynyń depýtaty
Qazaqstan Respýblıkasynyń Prezıdenti,
Joǵary mártebeli Qasym-Jomart Toqaev myrzaǵa!
Qazaqstan Respýblıkasynyń Prezıdenti laýazymyna saılanýyńyzben rııasyz quttyqtaýymdy qabyl alyńyz.
Eki eldi bıyl dıplomatııalyq qatynastardyń ornaǵanyna 27 jyl jáne strategııalyq áriptestik týraly shartqa qol qoıylǵanyna 10 jyl tolatyn berik qatynastar biriktiredi.
Bizdiń birlesken kúsh-jigerimiz teń quqyqty jáne ózara tıimdi yntymaqtastyq qaǵıdattaryna negizdelgen qazaqstandyq dostyq pen strategııalyq áriptestik qarym-qatynastarymyz aldaǵy ýaqytta ekijaqty negizde de, kópjaqty baılanystar platformasynda da nyǵaıa túsip, damı beretinine senimdimin.
Osy múmkindikti paıdalana otyryp, joǵary mártebeli Prezıdent, Sizge myqty densaýlyq pen amandyq, ádemi jáne qonaqjaı elińizge beıbitshilik pen ósip-órkendeý tileımin.
Ettore ROZATO,
Italııa Respýblıkasy Parlamenti
Depýtattar Palatasynyń vıse-prezıdenti
Qurmetti Qasym-Jomart Kemeluly!
Sizdi Qazaqstan Respýblıkasynyń Prezıdenti bolyp saılanýyńyzben erekshe ystyq jáne shyn júrekten quttyqtaýymdy qabyl alyńyz.
Sizdiń saılaýdaǵy aıqyn jeńisińiz Qazaqstan halqynyń túrli memlekettik laýazymdardaǵy qyzmetińizge bıik baǵa bergenin, joǵary saıası bedelge ıe ekenińizdi jáne Elbasy Nursultan Nazarbaevtyń halyqaralyq arenadaǵy el pozısııasyn nyǵaıtýǵa baǵyttalǵan baǵytyn keńinen qoldaǵanyn kórsetedi.
Sizdiń orasan zor saıası tájirıbeńiz ben qazaqstandyqtardyń ál-aýqatyna degen shynaıy qamqorlyǵyńyz jańa jasampaz kúsh-jigermen asa mańyzdy syrtqy saıası jáne áleýmettik-ekonomıkalyq mindetterdi sheshýge múmkindik beretinine senimdimin.
Sondaı-aq Qazaqstan men Chehııa arasyndaǵy saıası baılanystardyń joǵary deńgeıi men dınamıkasyn qoldaýdyń mańyzdylyǵyn atap ótkim keledi. Eki el arasyndaǵy ózara tıimdi baılanystardyń qaryshtap damýy ekijaqty yntymaqtastyqty barlyq baǵyt boıynsha odan ári nyǵaıtýǵa qyzmet etedi dep sanaımyn.
Sizge elińizdiń jáne Qazaqstan halqynyń ıgiligi jolynda jańa tabystar men jetistikter tileımin.
Voıteh FILIP,
Chehııa Parlamenti Depýtattar Palatasy
tóraǵasynyń orynbasary –
«Chehııa-Qazaqstan» parlamentaralyq
dostyq tobynyń teń tóraǵasy
Qurmetti Prezıdent myrza!
Polsha Respýblıkasynyń Seım depýtaty, Polsha-Qazaqstan parlamenttik tobynyń jáne shetel máseleleri jónindegi komıtettiń múshesi retinde Sizdi Qazaqstan Respýblıkasynyń Prezıdenti laýazymyna saılanýyńyzben shyn júrekten quttyqtaımyn. Sizdiń prezıdenttik basqarý kezińizde Qazaqstan halqynyń ál-aýqaty artyp, elińizdiń qarqyndy damıtynyna senim bildiremin.
Jyl saıyn polıak jáne qazaq halqy arasyndaǵy yntymaqtastyq nyǵaıýda. Eki el arasyndaǵy saıası jáne dıplomatııalyq yntymaqtastyq artyp, saýda-sattyq baılanys qarqyn alýda. Qazaqstandyqtar Polshada, sondaı-aq Qazaqstandaǵy polıaktar Sizderdiń elderińizde qurmet pen súıispenshilikke ıe. Men Sizdiń prezıdenttik qyzmetińizdi atqarý barysynda polıak-qazaq arasyndaǵy qarym-qatynastardyń nyǵaıa túserine, saıası, sondaı-aq mańyzdy ekonomıkalyq jáne mádenı deńgeıde odan ári jandanatynyna esh kúmán keltirmeımin.
Qurmetti Prezıdent myrza, saılaýdaǵy jeńisińizben shyn júrekten quttyqtaı otyryp, meniń tereń qurmetimdi qabyldaýyńyzdy ótinemin.
Tomash LENS,
Polsha Respýblıkasynyń Seım depýtaty
Qazaqstanda 2019 jylǵy 9 maýsymda ótken prezıdenttik saılaýdan Qasym-Jomart Toqaevtyń jeńip shyǵatynyn aldyn ala bildik. Q.Toqaevtyń bilimi men biliktiligi, dılomatııalyq, parlamenttik jumys ótili, sondaı-aq aımaqtyq jáne halyqaralyq deńgeıde kórnekti tulǵa retinde tanymaldylyǵy, kóptegen máselelerdi sheshý boıynsha jınaǵan tájirıbesi onyń Prezıdent retinde eline aıanbaı qyzmet etýine múmkindik beredi.
Ol – álemdegi eń tanymal saıasatkerlerdiń biri, aımaqtyq jáne halyqaralyq beıbitshilik bastamalardyń avtory bolyp tabylatyn N.Nazarbaevtyń saıası-ekonomıkalyq baǵytyn jalǵastyrýy halyqtyń qoldaýyn ıelenip, saılaýda jeńip shyǵýyna kepil boldy.
Abdessalam ÁL-HADRAÝI,
Mysyr Parlamentiniń depýtaty, «Hıýar» strategııalyq zertteýler ortalyǵynyń tóraǵasy