Ýaqytqa, zamanǵa saı áleýmettik jelilerdiń de tanymaldyǵy artyp, biriniń ornyn biri basyp keledi. TNW platformasy osyǵan oraı áleýmettik medıa álemindegi ózgeristerdi júıelep, kelesideı vıdeo jasapty. Vıdeoda sońǵy 16 jyldaǵy ár platforma qoldanýshylarynyń bir aıdaǵy kórsetkishi eskerilgen.
Basqasha aıtqanda, ár jyldyń eń tanymal áleýmettik jelisin anyqtaǵan.
Vıdeo avtorlarynyń aıtýynsha, aqparatty nátıjelerin ashyq jarııalaǵan kompanııalardan alyp, naqty kórinis úshin qosymsha jumystar atqarypty. Negizinde, bul tek boljam. О́ıtkeni aqparat mańyzdy sheshim shyǵaratyndaı shynaıy, tolyq emes edi.
https://thenextweb.com/tech/2019/06/11/most-popular-social-media-networks-year-animated/?jwsource=cl
Vıdeodan LinkedIn jelisiniń aıtarlyqtaı eski platforma ekenin bile alamyz. Onyń tarıhy áleýmettik medıanyń sonaý erte kezeńinen bastalǵan eken. Onymen qosa MySpace, Friendster syndy áleýmettik jelilerdiń qoldanystan shyǵyp qalǵanyna da kýá bola alamyz.
Tipti Google Buzz-dyń bir-eki jyl qatarynan eń tanymal áleýmettik jeliler tiziminde bolǵanyn da kóremiz.
Siz ben bizge jaqsy tanys YouTube jeli qoldanýyshlarynyń nazaryna tek 2005 jyly ǵana iligedi. Ol kezge deıin MySpace, Hi5, Orkut, Flickr, Friendster jelileri tanymal bolǵan. Al Twitter qoldanysqa 2009 jyly ilikse de, tutynýshylardy tek 2011 jyly qyzyqtyra alǵan. Degenmen, 2015 jyly Instagram, WeChat, Facebook, Youtube qysqa oılarǵa negizdelgen jelini yǵystyryp tastaıdy.
Al bul taldaý Qazaqstanda jasalatyn bolsa, tanymal áleýmettik jelilerdiń qatarynda Moı mır men Vkontakte platformalaryn kóretin edik. Búginde Moı mır tanymaldyǵyn joǵaltsa da, Vkontakte jelisi qoldanystan shyǵar emes.
Avtorlar muny naqty ári túbegeıli zertteýge jatqyzbaıdy. Bir aıtary, 16 jyldaǵy áleýmettik jelilerdiń ózgerisin baqylaý barysynda eshbir jeliniń eleýsiz qalmaǵany. Ár jeli mindetti túrde óz qoldanýshylaryn taýyp otyrǵan.