-Qazirgi zamanǵy medısına kóz aýrýlaryn birneshe mınýt ishinde arnaıy jabdyqtyń kómegimen qarap, tekserip bere alady.Biraq, kóz dárigerine sezimtaldyq pen janashyrlyq, kózi aýyrǵan adamǵa kóńil bólý, jan jylýy qajet,-deıdi Qasymhan.
Bólimshe dárigerleri zamanaýı jabdyqtarmen-oftalmologııalyq koagýlıasııalaýshy lazerde, kogerentti tomografta, ýltradybystyq operasııalyq júıe arqyly emdeý sharalaryn júrgizedi.
Qasymhan Abylaıhanulynyń aıtýynsha, INFINITI VISION oftalmologııalyq júıesin engizý joǵary mamandandyrylǵan medısınalyq trabekýloektomııa, kóz almasynyń enýkleasııasyna kómek kórsetýge múmkindik berdi, stasıonarda emdelý ýaqytyn qysqartady, kózdiń tez jazylýyna áser etedi.
Ortalyqqa kúnine 100 ge jýyq adam keledi. Jylyna 4000-nan astam ota jasalady. Ortalyqta kórý qabatyn lazer arqyly emdeıtin múmkindik te bar. Jańa lazerli apparattardy qoldanǵannan beri oftalmologııalyq bólimshesine emge turǵan naýqastardyń kezegi azaıdy
-Kóz qysymyn tekserip, hırýrgııalyq otalar jasap, kóz tamyrlaryn qalpyna keltiremiz. Aǵza aýrlaryn kóz aryqyly anyqtaýǵa bolady.Kózge kúrdeli operasııalar da jasalady. Ota túrleri joǵary tehnologııaly qurylǵylardyń arqasynda dene jaraqatynsyz jasalady, - deıdi Qasymhan.
Oftalmologııalyq bólimshesiniń dárigerleri lızıng boıynsha alynǵan eń zamanaýı quraldarda jumys jasaıdy – oftalmologııalyq koagýlıarly lazerde, kogerenttik tomografta, INFINITI, STELLARIS ýltradybystyq otalyq júıesi.
Qazir ortalyqqa kelgen pasıentter kezek kútip turmaıdy. Buryndary tirkeýge turǵannan keıin jaýap alý úshin jarty jyl kútetin.
Al, qazir qalaǵan dárigerinen 2-3 aptanyń ishinde jaýap ala alady. Kepildendirilgen tegin medısınalyq kómek aıasynda emhanalardyń anyqtamasyen kelgen naýqastarǵa tegin ota jasalady.
Sonymen qatar, Mindetti áleýmettik medısınalyq saqtandyrý júıesi aıasynda oftalmologııalyq qyzmet túrleri endi saqtandyrylǵan adamdarǵa qoljetimdi bolmaq.
Skrınıngtik tekserýlerge keletin bolsaq, oftolmolog dárigerler 40 jastan asqandarǵa kóz qysymyn teksertýge keńes beredi
Qasymhan Tileýbaev oblystyq aýrýhanada 20 jylǵa taıaý ýaqyt qyzmet etip keledi.
Ortalyq kóz hırýrgııasyna ımplantasııalyq jolmen ota jasaýdy qolǵa alýda. Glaýkomaǵa qarsy lazerlik operasııa jasalady. Optıkalyq kóz tomografyn satyp alyndy. Lazerli apparat, mıkroskop, tigissiz ota jasaıtyn mashınalar bar. Oblys turǵyndary óz qalamyzda emdeledi.
Oftalmolog dárigerler kózdi esh ýaqytta qolmen ýqalaýǵa, súrtýge bolmaıdy, tek taza, jumsaq shúberekpen súrtý kerek. Jaz aılarynda tikeleı túsetin kún sáýlesinen jáne shań tozańnan qorǵanyp kózildirik kıgen de durys.
Elimizdegi Medısınalyq qyzmetkerler kúnin merekeleý qarsańynda oftalmolog dáriger Qasymhan Tileýbaevty, bólimshe dárigerlerin quttyqtap, joǵary kásibı eńbekterine sáttilik tileımiz.
Pavlodar