Kezdesýdi ashqan Nur Otan partııasy Tóraǵasynyń birinshi orynbasary Máýlen Áshimbaev kezekten tys Qazaqstan Respýblıkasy Prezıdentin saılaý halyqtyń Elbasy baǵytyn jalǵastyrýǵa, onyń ishinde sheteldik seriktestermen dostyq qarym-qatynasty saqtap qalýǵa nıetti ekendigin kórsetkenine nazar aýdardy.
– Qazaqstandyqtar eldiń Tuńǵysh Prezıdenti Nursultan Nazarbaev saıasatynyń jalǵasa berýine qoldaý kórsetip, Elbasynyń barlyq strategııalyq bastamalary men baǵdarlamalary ári qaraı da iske asyrylyp, bizdiń partııanyń atqaratyn róli zor bolady. Sabaqtastyq sonymen birge Qazaqstannyń kópvektorly beıbit syrtqy saıasatyn saqtap qalýdy qarastyrady. Biz aldaǵy ýaqytta da buǵan deıin qalyptasqan jáne belsendi damytylǵan baǵyttar boıynsha qarym-qatynasymyzdy nyǵaıta beremiz, – dep málimdedi Nur Otan partııasy Tóraǵasynyń birinshi orynbasary.
M.Áshimbaev óz sózinde Nur Otan partııasynyń Qytaı Kommýnıstik partııasymen yntymaqtastyqty damytýǵa úlken mańyz beretinin atap ótip, partııaaralyq únqatysýdyń joǵary qarqynynyń dáleli retinde 2015-2017 jyldarǵa arnalǵan Yntymaqtastyq týraly hattamany mysalǵa keltirdi.
– Biz partııalarymyzdyń arasyndaǵy Yntymaqtastyq týraly hattamany jaqsy iske asyra bildik. Bizdiń delegattarymyz Qytaıda bolyp, túrli is-sharalarǵa qatysty. Sondaı-aq biz de qytaılyq áriptesterimizdi birneshe ret qabyldadyq. Keleshekte bizdiń partııamyzdyń jáne Qytaı Kommýnıstik partııasynyń ortaq múddesin tanytatyn baǵyttar boıynsha qarym-qatynasymyzdy odan ári damyta beretin bolamyz, – dedi M.Áshimbaev.
О́z kezeginde Qytaı Halyq Respýblıkasy Kommýnıstik partııasy Ortalyq komıteti Eýrazııa halyqaralyq bólimi basqarmasynyń dırektory Sıan Naıchen memleketterimizdiń arasyndaǵy dostyq qarym-qatynasymyzdy odan ári nyǵaıtý maqsatynda Qytaı Kompartııasynyń Nur Otan partııasymen yntymaqtastyqty kúsheıte túsýge nıetti ekenin rastady.
Budan bólek taraptar, partııalyq oqytý men partııalyq kadrlardy daıyndaý salasyndaǵy seriktestiktiń keleshegin talqylady.