О́tken jumada Aqtóbe qalasynyń 150 jyldyǵyna oraı, Bókenbaı Qarabatyrulynyń eskertkishi ashyldy. Eskertkishtiń ashylý saltanatyna oblys ákimi Ońdasyn Orazalın qatysty.
"Batyr babamyz ómir súrgen XVIII ǵasyrdyń basy qazaq halqynyń taǵdyryna syn bolǵan, eldikti tarazyǵa salǵan aýyr kezeńder boldy. Sondaı syn saǵatta Bókenbaı Qarabatyrulynyń jer qaıysqan qalyń qol jınap, jońǵarlardan elimizdi qorǵaýǵa attanýy — onyń bolmysy bólek tulǵa, elin súıgen er, ekendigin bildiredi",-dep atap ótti óńir basshysy. Jıynǵa sondaı-aq, belgili jazýshy, kınodramatýrg, Qazaqstannyń eńbek sińirgen qaıratkeri – Smaǵul Elýbaı, memleket jáne qoǵam qaıratkerleri, batyr urpaqtary, zııaly qaýym ókilderi, eńbek ardagerleri qatysty.
Bıiktigi 6,0 metrdi quraıtyn monýment batyrdyń atyndaǵy kóshede ornatylǵan. Eskertkishtiń músinshisi – qalamyzdaǵy Áıteke bı, Álııa syndy tarıhı eskertkishtiń avtory Jeńis Jubanqosov.
AQTО́BE