Senbi, 1 maýsym 2013 2:01
Obamaǵa kúdikti hat joldandy
AQSh prezıdenti Barak Obamaǵa kúdikti hat jiberý isi boıynsha Tehasta qazirgi ýaqytta qorǵanys mınıstrliginde azamattyq sala qyzmetkeri bolyp isteıtin burynǵy áskerı qyzmetshiden jaýap alynǵan.
Senbi, 1 maýsym 2013 2:01
Obamaǵa kúdikti hat joldandy
AQSh prezıdenti Barak Obamaǵa kúdikti hat jiberý isi boıynsha Tehasta qazirgi ýaqytta qorǵanys mınıstrliginde azamattyq sala qyzmetkeri bolyp isteıtin burynǵy áskerı qyzmetshiden jaýap alynǵan.
Nıý-Boston qalasynyń turǵyny bul iste resmı tulǵa bolyp tabylmaıdy, sondyqtan ol tutqynǵa alynǵan joq. Polısııany tońazytqyshta beımálim zattyń turǵanyn kórgen onyń áıeli shaqyrǵan kórinedi. Aıta ketý kerek, Obamaǵa joldanǵan kúdikti hat týraly 30 mamyr kúni belgili boldy. Mazmuny boıynsha ol Nıý-Iork meri Maıkl Blýmbergke jóneltilgen hattarǵa uqsas kórinedi. Prezıdentke joldanǵan konvertte ýly zattyń bar-joǵy ázirge beımálim. Ony sarapshylar tekserýde.
Moldovada bılik koalısııasy quryldy
Moldovada «Proeýropalyq bılik koalısııasyn» qurý týraly kelisimge qol qoıyldy. Onyń quramyna lıberaldy-demokratııalyq partııa, dempartııa jáne lıberaldy partııadaǵy «reformatorlar» toby kirip otyr.Koalısııa qurý týraly kelisimge lıberal-demokrattar lıderi Vladımır Fılat, dempartııa tóraǵasy Marıan Lýpý jáne «lıberal-reformatorlar» basshysy Ion Hadyrke qol qoıǵan kórinedi. Bul saıası daǵdarysqa núkte qoıatyndyqtan el úshin óte mańyzdy sát, dep atap kórsetken Vladımır Fılat qujatqa qol qoıǵannan keıin. Marıan Lýpý óz kezeginde bul sheshimniń bastalǵan reformalardy jalǵastyrýǵa jaǵdaı jasaıtynyn aıtsa, Ion Hadyrke atalǵan oqıǵanyń merziminen tys saılaýdyń aldyn alýǵa jáne eýropalyq baǵytty saqtaýǵa múmkindik beretinin atap kórsetken.
«Hızbollanyń» Sırııadan ketýin talap etýde
AQSh ókimeti lıvandyq «Hızbolla» shııttik tobynyń óz jaýyngerlerin shuǵyl túrde Sırııadan shyǵarýyn talap etti.Internet-BAQ-tardyń habarlaýynsha, memlekettik departamenttiń resmı ókili Djen Psakı «Hızbolla» lıderi sheıh Hasan Nasrýllanyń ózderiniń Sırııada úkimet áskerleri jaǵynda qaqtyǵystarǵa qatysatyny týraly málimdegenin aıyptaǵan. Psakıdiń aıtýynsha, «Hızbolla» sodyrlarynyń Sırııadaǵy daý-janjalǵa qatysýy oryndy bolyp tabylmaıdy. AQSh muny «ahýaldy meılinshe ýshyqtyrý» retinde baǵalap otyr.
Reseı synaǵan qarar aqyry qabyldandy
UU-nyń Adam quqyqtary jónindegi keńesi Reseı tarapynan synǵa ushyraǵan Sırııadaǵy soǵys qımyldaryna sheteldik azamattardyń qatysýyn aıyptaıtyn qarardy qabyldady.Oǵan keńestiń 36 múshesi qoldap daýys berse, 1 adam qarsy jáne 8 adam qalys qalǵan. AQSh, Túrkııa jáne Katar ázirlegen qarar Sırııa rejimi jaǵynda Kýseırde shaıqasyp júrgen sheteldik jaýyngerlerdiń osy iske aralasýyn aıyptaıdy ári Kýseırde adamdardyń jappaı qaza bolýyna kinálilerdi jaýapkershilikke tartýǵa shaqyrady. Sondaı-aq, qujat avtorlary BUU jáne gýmanıtarlyq agenttik ókilderiniń barlyq beıbit turǵyndarǵa emin-erkin barýyna jaǵdaı týǵyzýdy talap etýde.
Japonııa qarýly kúshterdi reformalamaq
Japonııanyń bıliktegi lıberal-demokratııalyq partııasynyń ulttyq qorǵanys keńesi eldiń qarýly kúshterindegi iri reforma jobasyn resmı túrde bekitti. Ol qarsylastyń aýmaǵynda áskerı bazalarǵa soqqy jasaý, shalǵaı jatqan araldardy qorǵaý úshin teńiz jaıaý áskerin qurý, sondaı-aq zymyranǵa qarsy qorǵanystyń tıimdiligin arttyrý múmkindikterin qarastyrady. Taıaýdaǵy aılarda joba japon úkimetine usynylatyn bolady. Bıliktegi partııanyń usynystarynda el konstıtýsııasyna osy maqsatta ózgeris engizý qajettigi de atap kórsetilgen. Ol boıynsha el áskeri «Ulttyq qorǵanys armııasy» dep atalýy tıis. Al qazirgi ýaqytta negizgi zańda eldiń áskerı áleýetten bas tartatyndyǵy týraly ereje bar.
Kanada Iranmen qarym-qatynasyn toqtatpaq
Kanada Tegerannyń ıadrolyq baǵdarlamany júzege asyrýdan bas tartpaýyna baılanysty Iranmen aradaǵy barlyq ımporttyq jáne eksporttyq operasııalarǵa tyıym saldy.Bul týraly Kanada syrtqy ister mınıstri Djon Berd habarlaǵan. Onyń aıtýynsha, Ottava sonymen birge «qara tizimge» sanksııanyń kúshi júretin ırandyq jeke jáne zańdy tulǵalardy, uıymdar men kompanııalardy da kirgizgen. Ázirge ondaı adamdar sany 112 bolyp otyr. Olardyń Kanada bankterindegi aktıvterine shekteý qoıylady jáne kanadalyqtardyń ırandyqtarmen iskerlik baılanys ornatýyna tyıym salynatyn bolady.
Jaýynger robottar qanshalyqty qaýipti?
BUU-nyń Jenevada ótetin Adam quqyqtary jónindegi keńesiniń kezekti otyrysyna arnaıy baıandama ázirlendi. Onda Brıtanııa, AQSh jáne Izraıl áskerı vedomstvolary ázirlegen adam óltiretin robottardy paıdalanýǵa ýaqytsha tyıym salý jóninde úndeý bar.Drondarǵa qaraǵanda jaýyngerlik robottar shaıqas alańynda operatorlardy qajet etpeıdi, olar qandaı da bir nysanany joıý týraly sheshimdi derbes qabyldaı alady. Al adam óltiretin robottardy jasaýshylar bolsa olar soldattardyń ornyna qaýipti jumystardy atqaratyndyqtan, is júzinde adamdardyń ómirlerin arashalaıdy degen dálelder keltirýde. Olardyń qarsylastary bolsa robottardyń áskerı adamdardy beıbit turǵyndardan aıyra almaıtyndyǵyn aıtýda.
Jańa vırýsqa em tabylmaı turDúnıejúzilik densaýlyq saqtaý uıymy jańa koronavırýstan taǵy da bes adamnyń qaıtys bolǵanyn tirkegen.Olardyń tórteýi Saýd Arabııasynda, bireýi Fransııada osy vırýsty juqtyrǵan kórinedi. Osylaısha, Dúnıejúzilik densaýlyq saqtaý uıymynyń málimeti boıynsha, 2012 jyldyń qyrkúıeginen beri álemde jańa koronavırýstan barlyǵy 27 adam ajal qushqan. DSU jańa vırýs pen onyń juǵý joldary týraly ázirge onsha eshteńeniń málim emes ekenin moıyndap otyr.
Internet materıaldary negizinde ázirlendi.