Senbi, 8 maýsym 2013 1:36
Pýtın zaıybymen ajyraspaq
Reseı Federasııasynyń prezıdenti Vladımır Pýtın óziniń zaıybymen ajyrasatyny týraly habarlady. Prezıdenttiń aıtýynsha, bul Lıýdmıla Pýtınamen ekeýiniń birlesip qabyldaǵan sheshimi.
Senbi, 8 maýsym 2013 1:36
Pýtın zaıybymen ajyraspaq
Reseı Federasııasynyń prezıdenti Vladımır Pýtın óziniń zaıybymen ajyrasatyny týraly habarlady. Prezıdenttiń aıtýynsha, bul Lıýdmıla Pýtınamen ekeýiniń birlesip qabyldaǵan sheshimi.
О́tken beısenbi kúni keshkilik olar Memlekettik Kreml saraıynda «Esmeralda» baletinde bolǵan. Balet aıaqtalǵan soń olar «Rossııa 24» telearnasynyń tilshisine suhbat berip, onda ózderiniń nekeleriniń aıaqtalǵanyn habarlaǵan. Meniń búkil qyzmetim qalyń jurtshylyq ortasynda ótedi. Al mundaı jaǵdaıǵa múlde úılespeıtin adamdar da bar. Mine, Lıýdmıla Aleksandrovna segiz, tipti toǵyz jyl boıy vahtada turdy, dep atap ótken V.Pýtın. Onyń zaıyby da mundaı sheshimge olardyń birlesip kelgenin málimdegen.
AQSh túpkilikti qorytyndy shyǵarǵan joq
AQSh Memlekettik departamentiniń resmı ókili Djennıfer Psakı Qurama Shtattardyń Fransııadan Sırııada hımııalyq qarý qoldanylǵany týraly olar jınaǵan málimetterdi alǵanyn, degenmen ázirge túpkilikti qorytyndy jasamaǵanyn, áli de aıǵaqtar jınaý jalǵasýda ekenin aıtqan.
Prezıdent pen memlekettik hatshy bizge senimdi de dáleldengen dáıekter tabý qajettigin aıqyn túsindirip berdi. Bizdiń odaqtastarymyzben, onyń ishinde Fransııa da bar, birlesip jumys isteýimiz, aqparattar almasý osy prosestiń bóligi bolyp tabylady. Biz BUU júrgizip jatqan tergeýlerdi qoldadyq jáne qoldaı beretin bolamyz. Qorytyndy shyǵarý qajet bolǵanda biz ony shyǵaramyz, biraq ázirge biz ondaı satyda emespiz, dep atap kórsetken Psakı hanym brıfıngte.
Aýǵanstanda grýzın áskerıleri qaza tapty
Terrorshy-jankeshti Aýǵanstannyń Gılmend provınsııasynda grýzın bitimgerlik kontıngentiniń bazasyna shabýyl jasaǵan. Bul týraly Grýzııa qorǵanys mınıstrliginiń ókili Iraklı Dzneladzege silteme jasaı otyryp VVS agenttigi habarlaǵan.
Mınıstrlik ókiliniń aıtýynsha, terrorshy áskerı bazanyń janynda jarylǵysh bekitilgen júk kóligin jaryp jibergen. Sonyń saldarynan jeti áskerı qyzmetshi qaza taýyp, taǵy toǵyz adam jaraqattanǵan kórinedi. Qazirgi ýaqytta jaralanǵandardyń ómirlerine qater tónip turǵan joq, olar medısınalyq qyzmetkerlerdiń baqylaýynda, dep habarlaǵan áskerı bazadaǵy ofıserlerdiń biri. Grýzııa prezıdenti Mıhaıl Saakashıvılı 7 maýsymdy qaraly kún dep jarııalady. Azamattarǵa teledıdar arqyly jasaǵan úndeýinde memleket basshysy terrorlyq aktini «el úshin jáne búkil grýzınder úshin qasiret» dep ataǵan.
Qytaı qarsy shara qabyldady
Qytaı ókimeti Eýropadan keletin ımporttyq sharaptarǵa dempıngke qarsy tekserý júrgizýdi bastady. Mundaı sheshim Eýropa bılikteri tarapynan qorǵanyshtyq baj salyǵyn engizýge jaýap retinde qabyldanyp otyr.
Qytaıdyń eń joǵary deńgeıdegi sheneýnikteri Qytaı óndirýshileri shyǵarǵan kún panelderine qarsy tarıfter engizý týraly sheshim qarsy is-áreket týyndatady dep birden-aq eskertken bolatyn. Qytaıdyń saýda mınıstrligi qabyldanǵan sharalarǵa qarsy QHR-dyń qatań qarsylyq bildiretinin málimdep otyr. Aıta ketý kerek, Eýroodaqtan Qytaıǵa sharap eksporty 2012 jyly 63 mln. eýrony quraǵan bolatyn.
Islamıster sulýlyq baıqaýyna qarsy
Indonezııa musylmandarynyń radıkaldy uıymdary osy jyldyń qyrkúıeginde Indonezııada jyl saıynǵy búkilálemdik «Álem arýy» baıqaýyn ótkizýge ózderiniń qarsy ekenderin málimdep otyr.
Konkýrsqa qoldaý jasaý áıelder denesin saýdalaýǵa qoldaý jasaýmen birdeı, dep málimdegen «Hızbýt Tahrır Indonesıa» uıymynyń resmı ókili Ismaıl Iýsanto. «Islamdy reformalaý jolyndaǵy qozǵalys» uıymy basshylarynyń biri Chep Hernavan da dál osylaı oılaıdy. Onyń aıtýynsha, baıqaýǵa qatysýshylar seksti jáne moralǵa qarsy is-áreketterdi nasıhattaıtyn kıimder kıetin bolady. Islamıster jappaı narazylyq aksııalaryn ótkizýge ýáde berip otyr.
Lýkashenko ákimshiligi 25 paıyzǵa qysqarmaq
Belarýs Respýblıkasynyń prezıdenti Aleksandr Lýkashenko óz ákimshiligi qyzmetkerleriniń tórtten birin qysqartý týraly jarlyqqa qol qoıdy. Bul týraly memleket basshysynyń baspasóz qyzmetine silteme jasaı otyryp «Belapan» agenttigi habarlaǵan.
Qujatqa sáıkes prezıdent ákimshiligi men onyń qurylymdary týraly erejelerdiń jańa redaksııasy da bekitilgen. Baspasóz qyzmetiniń habarynda atap kórsetilgendeı, mundaı shara qyzmetkerler sanyn qysqartý jaǵdaıynda prezıdent ákimshiliginiń odan arǵy jumysynyń tıimdiligin qamtamasyz etý maqsatyn kózdeıdi.
Topan sý qurbandarynyń sany on beske jetti
Sońǵy málimetter boıynsha, Ortalyq Eýropadaǵy sý tasqyny saldarynan qaza bolǵandar sany 15 adamǵa jetken. Qazirgi ýaqytta 4 adam iz-tússiz joǵalyp ketkender qataryna qosylyp otyr.
On bes adamnyń segizi Chehııa aýmaǵynda, tórteýi Germanııada, eki adam Avstrııada jáne bir adam Slovakııada qaza tapqan kórinedi. Al cheh qutqarýshylary 19 myń adamnyń sý basyp ketken aýdandardan basqa jerlerge kóshirilgeni týraly habarlap otyr. Eske sala keteıik, nóser jaýyn saldarynan Dýnaı jáne basqa da ortalyq eýropalyq ózender jaǵalaýlarynan shyǵyp, kóptegen óńirler topan sý astynda qalýda.
Internet materıaldary negizinde ázirlendi.