Qyzylorda oblysynyń ákimi, "Nur Otan" partııasy oblystyq fılıalynyń tóraǵasy Q.Kósherbaev partııanyń Saıası keńesiniń keńeıtilgen otyrysynda basshy qaramaǵyndaǵy qyzmetkerleriniń sybaılas jemqorlyqqa qatysty quqyq buzýshylyq áreketteri úshin tikeleı jaýap beretini týraly eske saldy.
"Prezıdent qaramaǵyndaǵy qyzmetker sybaılas jemqorlyqpen aıyptalyp, qylmysy dáleldenetin bolsa, oǵan tikeleı basshy jaýap beretinin aıtty. Osy udaıy esterińizde bolsyn!",- dedi oblys ákimi partııanyń Saıası keńesiniń keńeıtilgen otyrysynda.
Osyǵan baılanysty aımaq basshysy sybaılas jemqorlyqpen kúresti barynsha kúsheıtýge baǵyttalǵan jumystardy júıeli júrgizýdi jáne sybaılas jemqorlyqqa qarsy is-qımyl jónindegi qoǵamdyq keńes jumysyn jandandyrý maqsatynda qosymsha usynystar berýdi tapsyrdy.
Qyzylorda oblysy