2019 jyldyń basynan bastap oraldyq «BANEM» qurylys kompanııasy «Aqjaıyq» fýtbol klýbyn óz qamqorlyǵyna alǵan bolatyn. Mine, bas demeýshi jaqynda «Astana Sport Stroı ı K» kompanııasymen kelisimge qol qoıdy. Endi Oral qalasynda «Aqjaıyq» stadıonynyń tozyǵy jetken jasandy tósenishi jańaratyn boldy.
- Qazirgi tańda «Aqjaıyq» stadıonynyń tósenishin aýystyrýǵa qajetti barlyq qujat retteldi. Shilde aıynyń 1-kúninen bastap stadıon jóndeý jumystaryna baılanysty jabylady. Alańǵa sońǵy úlgidegi jasandy gazon tóseledi, - deıdi klýbtyń baspasóz hatshysy Túgelbaı Bısen.
Jańartý stadıonnyń káriz jáne sýarý júıelerin de qamtymaq.
Aıta keetıik, Qazaqstan naryǵynda 2007 jyldan beri jumys istep kele jatqan «Astana Sport Stroı ı K» kompanııasy negizinen sport nysandaryn jóndeý jáne abattandyrý isimen aınalysady. Buǵan deıin olar Nur-Sultan qalasyndaǵy «Astana Arena», Qyzylorda qalasyndaǵy Ǵanı Muratbaev atyndaǵy stadıondarda jóndeý jumysyn júrgizgen.
Al respýblıkada Batys Qazaqstan oblysynyń namysyn qorǵap júrgen Aqjaıyq fýtbol klýby el birinshiliginiń birinshi lıgasynda óner kórsetedi. 10 týrdan keıin týrnır kestesinde 6 orynda kele jatyr.
Batys Qazaqstan