Qorshaǵan ortany qorǵaý máselesin qyzý qolǵa alatyn kez keldi

Ony Agrarlyq máseleler, tabı­ǵatty paıdalaný jáne aýyl­dyq aýmaqtardy damytý komı­tetiniń tóraǵasy Jeńis Nur­ǵa­lıev ashyp, júrgizip otyrdy. Ol óziniń sózin Prezıdent Qasym-Jomart Toqaevtyń saılaýal­dy baǵdar­lamasynda basty máse­leler­diń qa­taryn­da ekologııa jáne qorshaǵan or­tany qorǵaý aıtylǵanyn, sol bastamanyń naqty nátıjesi retinde Ekologııa, geologııa jáne tabıǵı res­ýrstar mınıstrliginiń qurylǵanyn aýyzǵa aldy. Qorshaǵan ortany qor­ǵaý men tabıǵı resýrstardy utym­dy paıdalanýdy baqylaý men qada­ǵa­laýdaǵy memlekettik saıasat­ty qalyp­tastyrý osy mınıstr­lik­tiń bas­ty mindeti bolyp tabyla­dy, deı kelip, ol mı­nıstrlik basshy­sy Maǵzum Myrzaǵalıevti taǵaıyndalýymen quttyqtap, eńbegine jemis tiledi.

Qaralǵan másele boıynsha baıan­dama jasaý úshin birinshi sóz Ekologııa, geologııa jáne ta­bı­ǵı resýrstar vıse-mınıstri Er­lan Nysanbaevqa berildi. Ol Par­la­ment Senatynyń 2016 jylǵy jasa­ǵan 37 usynysynyń 30-y to­lyq oryndalǵanyn aıtty. «Qazir qal­ǵan bóligin iske asyrý boıynsha ju­mystar júr­gizilýde. Áli sheshimin tappaǵan­dar qatarynda Qazaqstan Re­s­pýb­l­ıkasynda bıologııalyq ár­túr­lilikti saqtaý men oryndy paı­dalaný boıynsha 2030 jylǵa de­ıingi tujyrymdama jáne orman sharýashylyǵy, janýarlar dú­nıesi men erekshe qorǵalatyn ta­bıǵı aýmaqtardy damytý sala­synda jeke baǵdarlamalyq qu­jat ázirleý sekildi máseleler bar. «Nur Otan» partııasynyń baǵ­dar­lamasynda da osy jaıt qara­lyp, qazir mınıstrlik sony iske asyrý jumystaryn ústimizdegi jyl­ǵa jos­­parlap otyr», – dedi E.Nysanbaev.

Sonymen birge ósimdikter dú­nıesin qorǵaý jónindegi zań jo­basy da ázirlenip, ony 2020 jyl­dyń josparyna engizý kóz­delgen eken. «Byltyr 52,7 myń ga or­man qalpyna keltirilgen. Degen­men, jergilikti ákimdikter osy baǵyttaǵy jumystaryn jandan­dyra túskeni jón. Orman órt­terin sóndirý jumystarynda da ol­qy­lyqtar kóp, bul máselede biz joǵary damyǵan elderden art­ta qalyp otyrmyz. Qazir avıapat­rýlder ushyrý jumystaryn 8 mln 800 myń gektardan 9 mln 500 myń gektarǵa deıin arttyrý jos­parlanýda. Avıapatrýldi júrgizý orman sharýashylyǵyn ǵana emes, ondaǵy janýarlar men ósimdikter dúnıesin de qorǵaıdy, sondyqtan oǵan qosymsha jyl saıyn 1,8 mlrd teńge jumsaý kerek. Dala órtteriniń de zııany ekojúıeni joıýda az zardap shek­tirmeıdi. Jergilikti ákimd­ikter bul jumystardy tolyq ıgere almaý­da», dedi vıse-mınıstr.

Baıandama aıaqtalǵan soń senatorlar ony suraqtyń astyna aldy. Sonyń ishinde M.Qul-Mu­hammed qulandar sanyn arttyrý máselesine nazar aýdar­dy. Olardy «Altyn Emel» qo­ry­ǵy­nan respýblıkanyń bar­lyq jeri­ne taratý boıynsha atqa­ry­lyp jat­qan jumystardyń mar­dymsyz eke­nin aıtqan senator onyń 9 tuıa­ǵy­nyń ǵana Qos­tanaı oblysyna jet­kizil­geni kúlkili ekenin atap ótti.

Senator Sársenbaı Eńsegenov balyq sharýashylyǵynyń másele­lerine kóńil aýdaryp: «Bizdiń elimizde balyq aýlaýǵa kóktemgi muz túskennen bastap 24 sáýirge deıin, al Reseıde bul merzim 25 mamyrǵa deıin sozylǵan. Sonda balyqty olar bizden 44 kún uzaq aýlaıdy. Al kúzgi balyq aýlaý merzimin qosatyn bolsaq, olar biz­den 55 kúnge artyq aýlaı­dy. Osy­nyń sebebi nede? dep sura­dy se­na­tor. Oǵan E.Nysanbaev bu­­ryn eki el­diń de balyq aýlaý mer­zim­­d­eri bir­deı bolǵanyn, alaıda 2014 jyl­dan bastap bizdiń Bas prokýra­týra, ókinishke qaraı, kóktemgi jáne kúzgi balyq ósimine zııanyn tıgizedi degen sebeppen bizde aýlaý merzimin azaıtyp tastaǵanyn jetkizdi.

Senat Tóraǵasynyń orynba­sary Bektas Beknazarov «Balqash jolbarysyn» qalpyna keltiremiz degen áńgimeniń ózi bostan-bosqa memleket qarajatyn shashýǵa ulaspaı ma dep surady. Erlan Nysanbaev «Balqash jolbarysy» popýlıasııasyn qalpy­na keltirý ıdeıasy Halyqaralyq tabı­ǵat qorǵaý qorynan shyǵyp, bul iske 10 mln dollar qarajat qaras­tyrylǵanyn aıtty. Son­dyqtan bizdiń memleketten bul iske qarajat bólingen emes, dedi ol.

Osyndaı óte ótkir ekologııa­lyq, bıologııalyq máseleler kóterilgen Úkimet saǵatyn Senat Tóraǵasy Darıǵa Nazarbaeva qorytyndylady. Ol kóterilgen máseleler Úkimetke usynystar túrinde túsiriletinine senim bildirdi.