Jańa týyndynyń tanystyrylymynda «Qoǵamdyq kelisim» mekemesiniń dırektory Erlan Qusaıyn quttyqtaý sóz sóılep, kitaptyń tusaýkeser rásimin Kómekeı áýlıeniń urpaǵy, shejireshi Ǵalymtaı Baqtııaruly jáne Ortalyq Azııa óńirindegi etnosaralyq jáne konfessııaaralyq qatynastardy zertteý ortalyǵynyń basshysy Aıgúl Sádýaqasova oryndady.
Kitap avtory bul eńbeginde Buqar jyraý ómiri men shyǵarmashylyǵyn zerttep, bir júıege túsirgen. Sonymen qatar jyraýdyń ǵylymı saraptamadan ótken tolyq murasy jınaqtalyp, tolǵaýlaryndaǵy kónergen uǵymdar men túsinikterge taldaý jasalǵan.
Aıta ketý kerek, atalǵan kitap Qazaqstan halqy Assambleıasynyń «Qazaqtaný» ǵylymı-aǵartýshylyq jobasy aıasynda Qaraǵandy oblysy ákimi apparaty «Qoǵamdyq kelisim» kommýnaldyq memlekettik mekemesiniń tapsyrysy boıynsha jaryq kórgen. Sondaı-aq bul shara Ortalyq Azııa óńirindegi etnosaralyq jáne konfessııaaralyq qatynastardy zertteý ortalyǵy ótkizip jatqan «Inklıýzıvti qoǵam» atty semınardyń bir bólimi bolyp sanalady.
QARAǴANDY