Senbi, 12 qańtar 2013 7:51
Qyzylorda oblystyq qarjy polıseıleri memlekettik bıýdjetke 157 mln. teńge kóleminde zalal keltirgen qurylys mekemesiniń basshysyn qamaýǵa aldy.
Senbi, 12 qańtar 2013 7:51
Qyzylorda oblystyq qarjy polıseıleri memlekettik bıýdjetke 157 mln. teńge kóleminde zalal keltirgen qurylys mekemesiniń basshysyn qamaýǵa aldy.
Oqıǵa bylaı bolǵan. Oblys ortalyǵyndaǵy «DóıtGazPojServıs» JShS 2011 jylǵy jeltoqsanda Syrdarııa aýdanynyń Shaǵan aýylynda salynýǵa tıisti smetalyq quny 1 mlrd. 151 mln. teńge turatyn 900 oryndyq mektep qurylysyn júrgizý jónindegi tenderdiń jeńimpazy bolyp tanylady. Nátıjesinde atalmysh seriktestik pen oblystyq qurylys basqarmasy arasynda nysandy 2013 jyldyń jeltoqsanynda aıaqtap shyǵý jónindegi kelisim-shart jasalady. Osyǵan oraı 2012 jyldyń aqpany men maýsymy aralyǵynda qurylys mekemesiniń esepshotyna bıýdjetten 192,7 mln. teńge qarjy beriledi. Sol kezde seriktestik dırektory J.Musahanov bul qarjynyń 183,7 mln. teńgesin eshbir negizsiz «QyzylordaGazPromStroı» JShS-yna aýdaryp jiberedi. Qyzyq bolǵanda, bul seriktestiktiń de dırektory ózi eken. Budan arǵysy belgili. Qos seriktestiktiń ıesi sosyn álgi qarjynyń 146 mln. teńgesin birden qolma-qol aqshaǵa aınaldyryp, óziniń qaltasyna basa salady.Qarjy polıseıleri tekserý kezinde J.Musahanovtyń budan da basqa qylmystyq áreketterin tapty. Atap aıtqanda, ol 2012 jyldyń sáýirinde tıisti jer jumystarynyń tolyq atqarylyp bolmaǵanyna qaramastan, 46,7 mln. teńgelik jumysqa akt toltyrady. Muny osy jerge qatysy bar «Sortóbe» JShS qyzmetkerleri rastap beredi. Jumystyń tolyq oryndalyp bitpegenin bile tura, oblystyq qurylys basqarmasy bólim bastyǵynyń mindetin atqarýshy da óz kezeginde osy aktige qol qoıady. Osy arqyly ol memleketke 11,3 mln. teńge kóleminde zııan keltiredi.Qazir asa iri kólemdegi memleket qarjysyn talan-tarajǵa salǵany, qylmystyq kelisimge kelgeni jáne qyzmet babyn asyra paıdalanǵany úshin J.Musahanovtyń ústinen qylmystyq is qozǵalyp, tergeý amaldary júrip jatyr.Rýslan IGILIK.QYZYLORDA.