Tarıh jasaǵan tulǵa

Tusaýkeser rásimine Qazaqstan Res­pýblıkasynyń Túrkııadaǵy elshisi Abzal Saparbekuly, Túrkııa Respýblıkasy Prezıdentiniń Bas keńesshisi Iаlchyn Topchý, Túrki Keńesiniń Bas hatshysy Baǵdat Ámireev, Túrki Keńesi Aq­saqaldar keńesiniń múshesi, professor Ádil Ahmetov, elshi Halıl Akynjy, ANKASAM zertteý ortalyǵynyń bas keńesshisi, professor Sınjer Imer, Ankara Saıasat ortalyǵynyń dırektory Hasan Kanbolat, Túrkistan oblysy ákiminiń orynbasary Málik Otarbaev, Saıasat, ekonomıka jáne qoǵamdy zertteý qoryna (SETA) qarasty Syrtqy saıasatty zertteý ortalyǵynyń dırektory, professor Muhıttın Ataman jáne Túrkııanyń belgili saıasattanýshylary, zııaly qaýym ókilderi men qoǵam bel­sendileri, dıplomatııa mekemeleriniń ókilderi qatysty.

Kitapta egemen elimizdiń irgesin qa­lap, táýelsiz memleketimizdi búkil álem­ge tanytqan Qazaqstannyń Tuńǵysh Prezıdenti – Elbasy Nursultan Nazarbaevtyń kóshbasshylyǵy men qaı­ratkerligi, parasat bıiginen kóriner tulǵalyǵy men adamgershilik asyl qasıetteri, elimizdiń jarqyn bolashaǵy úshin jasaǵan álemdik mańyzy bar ıgilikti isteri týraly baıandaǵan tol­­­ǵanystary men estelikteri top­tastyrylǵan. Avtor Qazaqstan táýel­sizdiginiń irgesi qalanǵan sol bir shytyrmany men shyrǵalańy mol kúrdeli tarıhı kezeńdi qyzyqty oqıǵalary men tarıh kitaptarynda kezdese ber­meıtin álemdik saıasattyń názik tus­tary arqyly sheber jetkizedi. Ja­ńa memlekettiń qalyptasý tarıhyn Elbasynyń tulǵalyq qasıetimen, mem­leketti basqarýdaǵy qarymdy qa­bi­letimen jáne jaratylysynan qaıratker bolyp týǵan bolmysymen sabaqtaıdy. Memleket basshysy Qasym-Jomart Toqaev Elbasymen alǵashqy tanysqan kez­derin eske alyp, qoǵamdy sonaý qıyn-qystaý kezeńnen qalaı alyp shyq­qandyǵyn jazady. Tuńǵysh Pre­zı­dentimizdiń ustanǵan saıasatynda eýropalyq reformızmdi, azııa­lyq dástúrshildikti, pragmatızm men demokratııalyq rásimderdi saqtaý syndy qoǵamnyń damýyna negiz bolatyn mańyzdy faktorlardy qalaısha sıntezdegendigin jetkizedi.

Halyqaralyq Túrki akademııasynyń prezıdenti Darhan Qydyráli kitap­qa arnap jazǵan alǵysózinde Qazaq­stannyń táýelsizdik jyldarynda qol jetkizgen jetistikterdiń barlyǵy El­basy N.Nazarbaevtyń esimimen baılanysty ekendigin aıtyp, Tuńǵysh Pre­­­zıdenttiń qaıratkerligi men ke­meń­­­gerligine uzaq jyldar boıy kýá bolǵan, búginde Memleket basshy­sy bolyp saılanǵan Q.Toqaevtyń álemdik saıasattyń, el basqarýdyń bilgiri, túrki ıntegrasııasynyń damýyna aıryqsha úles qosqan memleket qaıratkeri retin­de osyndaı qundy kitapty jazǵany el­basytanýǵa, qazaq saıasatyn tanýǵa qosqan zor úlesi ekendigin jetkizedi. Ki­­taptyń túrik tilindegi nusqasyn Aka­demııa tarapynan shyǵarýyn úlken már­tebe sanaımyn dep jazady.

Jıyndy ashqan elshi A.Saparbekuly Qazaqstannyń Tuńǵysh Prezıdenti N.Nazarbaevtyń memleket táýelsiz­diginiń bekı túsýine sińirgen zor eńbe­gin atap ótip, bıyl qabyldaǵan taǵ­dyr­ly sheshimniń nátıjesinde jańa Mem­leket basshysy bolyp Q.Toqaevtyń saılanǵanyn aıtty. Sonymen qatar Qazaqstannyń syrtqy saıasatynyń Elbasy salǵan sara jolmen damı bere­tindigin, Qazaqstan men Túrkııa ara­syndaǵy qarym-qatynastardyń jańa deńgeıge jetkendigin jáne ári qaraı qarqynmen kúsheıe beretindigin jetkizdi.

Túrkııa Prezıdentiniń Bas keńesshisi Iаlchyn Topchý óz sózinde tusaýy kesil­gen kitapty asa qundy eńbek dep baǵa­lady. «Bizder – túrki halyqtary je­tis­tikterimizben maqtanýymyz kerek. Maqtanyp qana qoımaı, bolashaq urpaqqa, óskeleń jas býynǵa jetkizýimiz kerek. «Tarıh jasaǵan tulǵa» atty kitap sol kúrdeli kezeńnen elin aman alyp shyqqan túrki áleminiń Aqsaqaly N.Nazarbaevtyń qajyrly qaıratyn, elge sińirgen eren eńbegin, tolaǵaı jetis­tikterin, Qazaqstannyń syrtqy saıa­­sa­tynyń tarıhyn sheber baıandaıdy. Sondyqtan Q.Toqaevqa alǵys aıtamyn!», dedi Iаlchyn Topchý.

Quttyqtaý sóz sóılegen professor Á.Ahmetov túrki tarıhynyń búkil álemmen tamyrlas ekenin aıtyp, sol tamyrdan nár alǵan búgingi urpaq jańa dáýir bastap jatqandyǵyn baıandady.

Kitapty túrik tiline aýdarǵan belgili qalamger, dıplomat, Halyqaralyq «Jam­byl» syılyǵynyń laýreaty M.Otarbaev óziniń arnaıy baıandamasynda Túrkistan óńiriniń damýy týraly sóz qozǵap, kúni keshe ǵana bir jyldyǵyn atap ótkendigin aıtty. Sondaı-aq atal­ǵan kitaptyń túrkitildes elderi úshin asa qundy ekendigin jetkizdi. «Memleket basshysy Q.Toqaevtyń kitap shyǵarýǵa kelisimin alǵan Halyqaralyq Túrki akademııasy byltyr aýdarýǵa usynys jasady. Kitap qolyma túskennen keıin muqııat oqyp shyqtym. Budan buryn Elbasy týraly jazylǵan kitaptardan bólek formada jazylǵan. Saıasattaǵy názik tustardy sheber jetkizgen. Aýdar­ma barysynda kóptegen málimet aldym. О́ıtkeni kitaptyń avtory – tájirıbesi mol, táýelsizdigimizdiń damýyna zor úles qosqan, ıntellektýaldyq deńgeıi óte bıik tulǵa. Kitap túrik oqyr­ma­nynyń kóńilinen shyǵady dep senemin», dedi aýdarmashy.

Sonymen qatar tusaýkeser rásimine qatysqandar «Túrki álemi jáne El­basy», «Qazaqstannyń Tuńǵysh Pre­zıdenti jáne Túrkistannyń damýy», «De­mokratııa prosesinde oryn alǵan 9 maýsymdaǵy Prezıdent saılaýy» jáne «Jańa kezeńde Qazaqstan-Túrkııa qarym-qatynastary» taqyryptarynda baıandama jasady.