Teatr baletmeısterleri Aıgúl Tatı men Mýkaram Avahrıdiń «Uly dala murasy» baǵdarlamasynda túrli mánerdegi bı órnekteri kórinis tapqan. Zamanaýı jáne ulttyq horeografııanyń úzdik úlgilerinen órilgen bıler shymkenttik kórermenderin erekshe kúıge bóledi. Dıvertısmenttiń ár nómiri Uly dalanyń ǵalamat ýaqıǵalaryn baıandady. Sonymen qatar kórermen qaýym Nur-Sultan qalasynan kelgen óner ujymynyń repertýaryndaǵy neoklassıkalyq shyǵarmalardy da tamashalady. Shaqyrylǵan horeograf Rıkardo Amaranteniń «Love Fear Loss» baleti fransýz ánshisi Edıt Pıaftyń ǵajaıyp ómirinen nár alyp, onyń mýzykasy men ánderine negizdelgen.
Balettegi árbir dýet mahabbat maıdanyndaǵy túrli sezimderdi aıshyqtap, «A fuego lento» («Baıaý jalyn») – klassıkalyq qımyldardy negizge ala otyryp, brazılııalyq sambo men tango elementterinen tamasha úılesim shyǵara bildi. Eki qoıylym da zor qoshemetpen qabyldanyp, bıshilerdiń qaıtalanbas plastıkalyq ásem qımyldary zal toly jurtqa uzaq qol soqtyrdy.
Shymkent