Juma, 1 aqpan 2013 7:59
Memleket basshysynyń elimizdi odan ári kórkeıtý men halqymyzdyń jaǵdaıyn jaqsartý jolyndaǵy alǵa qoıǵan tapsyrmalaryn oryndaý úshin quqyq qorǵaý organdarynyń qyzmetiniń sapasy men tıimdiligi aýadaı qajet. Bul oraıda Prezıdent quqyq qorǵaý organdarynyń basshy quramymen ótkizgen keńeste turaqtylyq pen ulttyq qaýipsizdik – jańa saıası baǵytty iske asyrýdyń negizgi sharty, sondyqtan onyń basymdyǵyn aıtyp jatý artyq, dedi.
Juma, 1 aqpan 2013 7:59
Memleket basshysynyń elimizdi odan ári kórkeıtý men halqymyzdyń jaǵdaıyn jaqsartý jolyndaǵy alǵa qoıǵan tapsyrmalaryn oryndaý úshin quqyq qorǵaý organdarynyń qyzmetiniń sapasy men tıimdiligi aýadaı qajet. Bul oraıda Prezıdent quqyq qorǵaý organdarynyń basshy quramymen ótkizgen keńeste turaqtylyq pen ulttyq qaýipsizdik – jańa saıası baǵytty iske asyrýdyń negizgi sharty, sondyqtan onyń basymdyǵyn aıtyp jatý artyq, dedi. Endeshe, byltyr ǵana basshylyǵynan bastap qatardaǵy qyzmetkerlerine deıin kezekten tys attestattaýdan ótip, laıyqtylar qatarynan tabylǵan quqyq qorǵaý qyzmetkerlerine halyq endi úlken senim artady. Quqymyz talapqa saı qorǵalyp, zań qatań oryndalady dep úmit artady. Mine, osy úmit aqtalý úshin Elbasy quqyq qorǵaý qyzmetin jetildirý boıynsha birqatar mindetter júktedi. Sonyń ishinde qylmystyq ister boıynsha sot óndirisin reformalaý, kez kelgen usaq quqyq buzýshylyqtardy tolyq tirkeýge qol jetkizý, Shekara qyzmeti jeke quramyn kezekten tys attestattaýdan ótkizý, keden organdary qyzmetiniń tıimdiligin arttyrý, qaýipsizdiktiń zamanaýı ozyq zııatkerlik júıesin engizý, azamattar men quqyq qorǵaý organdarynyń yntymaqtastyǵyn damytýdy jáne t.b. mindetterdi tapsyrdy. Osyǵan baılanysty elimizdiń barlyq salasynda eń aldymen adamdardyń ǵana basty múddesin jaqtaıtyn zańdylyq pen quqyqtyq tártipti nyǵaıtýdy kózdeıtin quqyq qorǵaý organdary aldyna qoıǵan Elbasy tapsyrmalaryna oraı jurtshylyqtyń qoldaý bildirgen pikirlerin usynyp otyrmyz.
KADR SAIаSATYNA – JAŃA KО́ZQARAS
О́tken sársenbiniń sátti kúni Aqordada ótkizilgen keńeste Elbasy quqyq qorǵaý organdarynyń aldyna jańa mindetter qoıdy. Bul mindetter barynsha naqty, barynsha tujyrymdy aıtylǵan. Áıtse de Memleket basshysy atalǵan mindetterdi tek quqyq qorǵaý salasynda qyzmet atqaratyndar qatarymen shektemeı, oǵan jalpyhalyqtyq sıpat berýdi qajet dep sanaıdy. Bul úrdis barsha qazaqstandyqtardyń oıynan shyǵatyny anyq. Elbasy aıtyp ótkendeı, azamattarmen birlesken jumystardyń túrli tásilderi men ádisterin damytý – búgingi kúnniń basty talaptarynyń biri.
Iá, buǵan deıin de elimizdegi quqyq qorǵaý uıymdarynyń janynda qoǵamdyq negizdegi keńester qurylǵany belgili. Alaıda, atalǵan qoǵamdyq qurylymdar tolyq qaıtarymmen jumys istep keldi dep aıtýǵa da aýyz bara bermeıdi. Endigi jerde onyń jumysyna tyń serpin men júıeli kózqaras qajettigi týyp otyr. Bul turǵyda elimizdegi quqyq qorǵaý organdary ardagerleri men jalpy jurtshylyq mundaı qoǵamdyq keńesterdiń qyzmeti mazmundy da nátıjeli bolýyna óz úlesterin qosa alady degen oıdamyn.
Ekinshiden, bizdi, Memleket basshysynyń atalǵan organdarda kadr saıasatyna qatysty jańa tujyrymdamany iske asyrý jónindegi tyń oılary da tánti etti. Qarap, baıqap, salystyrmaly taldaýlar jasap, búgingi kún bıiginen kóz júgirtsek, ınnovasııalyq tehnologııalar tek óndiriske ǵana emes, sonymen birge, quqyq qorǵaý salasyna da qajet eken. Elimizde iske asyrylatyn jańa kadr saıasatynyń basty bir ereksheligi de osynda bolsa kerek. Árıne, bul, saıyp kelgende, álemdik úzdik standarttarǵa sáıkes qyzmet atqarý degen sóz.
О́tken jyly quqyq qorǵaý organdary qyzmetkerlerin attestattaý júrgizilgeni málim. Keıde tuńǵysh ret ómirge qadam basqan istiń keıbir áttegenaılary men álsiz, bosań tustary da oryn alyp qalatyny tabıǵı qubylys. Osy oraıdy keńeste atalǵan attestattaý júıesin odan ári jetildirý, ári ony ár jyl saıyn ótkizýdi dástúrge aınaldyrý sharalary belgilenýi de óte oryndy dep esepteımiz.
Tujyrymdap aıtqanda, Elbasy qoıyp otyrǵan mindetterdiń taktıkalyq qana emes, sonymen birge, úlken strategııalyq mańyzy bar. Endeshe, ony der ýaqytynda buljytpaı oryndaý – paryz.
Jeńis QAPEZOV,
Qazaqstan Respýblıkasy prokýratýrasynyń
qurmetti qyzmetkeri.
ORAL.