Almaty oblysynyń Jambyl aýdanynda turatyn jas otbasy Tańatar men Elmıranyń shańyraǵynda endi 4 bala qatar oınap ósetin boldy. Tańatarovtar áýletiniń buǵan deıin 2 jasar uly bar edi, qazir Han esimdi batyrdyń sońynan Aıdaı, Nuraı, Shyraı esimdi úsh qyz erdi. Maýsymnyń úshi kúni jaryq dúnıege kelgen sábılerdi dárigerler baqylaýda ustap, ana men bala densaýlyǵyna tónetin qaýip joqtyǵyna kóz jetkizip baryp úıine shyǵýǵa ruhsat bergen eken.
- Oblysta bala týý kórsetkishi jyl saıyn ósýde. Máselen, 2018 jyly aımaqta 40 585 náreste ómirge kelgen eken. Onyń ishinde 366 egiz týǵan. Al bıylǵy 5 aı aralyǵynda 16333 sábı aman-esen dúnıege keldi. Qýanyshtysy, osy jyly 135 ana egiz sábı bosansa, 2 otbasynda úshem ósetin boldy. Bul – óńirdegi ana men bala densaýlyǵyn saqtaý baǵytyndaǵy jumystardyń oń nátıjesi, - deıdi Almaty oblystyq densaýlyq saqtaý basqarmasynyń basshysy Baýyrjan Ysqaq.
Almaty oblysy