«Progress» polıtehnıkalyq kolledjinde negizinen múmkindigi shekteýli jandar oqyp, bilim alady eken. Erekshe qajettilikteri bar stýdentterdi oqytý toǵyz jyl boıy jalǵasyp keledi. Osy jyldar ishinde eki júz jetpisten astam adam tiginshi, shashtaraz, sańyraýqulaq ósirýshi, naýbaıshy, manıkıýr mamany, aıaq kıim jóndeý mamany, massajıst mamandyqtary boıynsha sertıfıkat alǵan, al 2016 jyldan bastap kompıýterlik saýattylyq boıynsha oqytý júrgizilýde. Sondaı-aq, stýdentter kásipkerlik negizderine úırenedi, óz bıznesin ashý nemese tabysty jumysqa ornalasý úshin qajetti daǵdylardy ıgeredi, al eń bastysy – áleýmettik beıimdelý múmkindigine ıe bolady.
- Osy kolledjde oqýdyń arqasynda men óz ıdeıalarymdy júzege asyrýǵa jaǵdaı týǵyzatyn jáne ózimdi laıyqty qamtamasyz etýge múmkindik beretin jańa shyǵarmashylyq mamandyqty ıgerip aldym, — dedi kolledj túlegi, buıymdar tigý isiniń sheberi Elena Mıgerova.
Jalpy, Almaty oblysynyń Ile aýdanynda 5 myńǵa jýyq múmkindigi shekteýli jan bar. О́kinishke qaraı, múgedek jandardyń barlyǵy jumyspen qamtamasyz etilmegen. Qazir olardyń jalǵyz tabysy memlekettik áleýmettik qamsyzdandyrý járdemaqysy ǵana bolyp otyr.
- Biz stýdenterimizdiń jumysqa ornalasýyna jáne óz isin ashýyna qýana qol ushyn beremiz. Olarǵa qoldaý kórsetip kele jatqan «Fılıp Morrıs Qazaqstan» kompanııasyna alǵys aıtamyz, - deıdi «Progress» kolledjiniń dırektory Janna Telpekbaeva.
Almaty oblysy