Basty maqsat – qoǵammen baılanysty jaqsartý

Mınıstrdiń aıtýynsha, elimizdegi krı­mınogendik jaǵdaı ótken jyldar­daǵydan esh ózgerissiz – turaqty. E.Tur­ǵym­baev bul turaqtylyqty naqty sıfr­larmen ólshep berdi. Jyl basynan beri qylmys sany 9 paıyzǵa onyń ishinde, asa aýyr qylmys – 7,7 paıyzǵa, aýyrlyǵy or­tasha qylmys – 12,4 paıyzǵa jáne aýyr emes qylmys sany 4,7 paıyzǵa azaı­ǵan.Kisi ólti­rý, qaraqshylyq shabýyl, tonaý, ur­lyq, buzaqylyqtar da tómendegen. Sony­men qatar jasós­pirimder tarapynan, mas kú­ıinde ja­sal­ǵan jáne atys qarýyn qo­l­dan­­ǵan qyl­mystardyń sany da qysqar­ǵan.

– Bıylǵy jyl mınıstrlik úshin – erekshe jyl. Elbasy men Memleket basshysynyń tapsyrmasy boıynsha biz salany jańǵyrtý baǵyttarynda birshama jumys júrgizip jatyrmyz, – dedi E.Turǵymbaev.

Mınıstrdiń pikirinshe, birinshiden, salany jańǵyrtý qoǵammen ózara is-qı­myldy jaqsartýdan, polısııa qyz­metiniń ashyqtyǵy men aıqyndylyǵyn qamtamasyz etýden, servıstik úlgige kóshýden quralady.

Sala basshysy polısııa departa­ment­ter­i­­­niń basshylaryna halyqqa etene ja­qyn bolýdy da buıyrǵan. Endi polı­sııa­nyń joǵary shendileri turǵyndarmen kó­she­­lerde, alańdarda kezdesý ótkizýleri tıis.

E.Turǵymbaev halyqqa esep berý barysynda bıyl urlyqtyń 12 pa­ıyzǵa azaıǵanyn aıtty. Alaıda, basqa qyl­mys­qa qaraǵanda urlyqtyń úlesi áli de basym – 65 paıyz. Onyń ishinde qalta ur­lyǵy, avtokólikter men uıaly telefon urlyǵynyń kórsetkishi joǵary.

Esep berý jıynynyń barysynda mınıstr joldaǵy qaýipsizdikti qamtamasyz etý, jaz aılarynda sýǵa ketýdiń aldyn alý, qylmystyq atqarý júıesin sıfrlandyrý, IIM organdaryn ońtaılandyrý, vedomstvoǵa qarasty oqý oryndaryn jetildirýge baılanys­ty jańashyldyqtardy jarııa etti.

– Elbasynyń tapsyrmasy negizinde ishki ister organdaryn 2019-2021 jylda­ry jańǵyrtý boıynsha Jol kartasy ázir­lenip, alǵashqy kezeńde birshama qu­ry­lym taratyldy. Onyń ishinde, 105 bó­lim­shesi taratylyp, organdar men qu­ry­lymdyq bólimsheler sany 10 myń birlikke qysqardy. Artyq dep tanyl­ǵan basqarýshylyq bólimder qysqar­ty­lyp, 1180 basshylyq laýazym joıyl­dy. Osy ózgeristerdiń artynsha 100 myń halyqqa eseptegende polısııa qyz­met­ker­leriniń sany 471-den 393-ke azaıdy. Ońtaılandyrýdan túsken qarajat pat­rýl­dik polısııa qyzmetkerleriniń aı­ly­ǵyn 65 paıyzǵa, jedel ýákilder men ter­geý­shilerdiń aılyǵyn 55 paıyzǵa, ýcha­skelik polıseıler men JOO muǵa­lim­deriniń aılyǵyn 25 paıyzǵa, ózge de qyz­metkerlerdiń aılyǵyn 20 paıyzǵa art­tyrýǵa jumsalady, – dedi E.Turǵymbaev.

О́tken juma kúni Ishki ister mı­nıstri halyqqa esep berý kezdesýiniń qory­­­tyndysy boıynsha Ortalyq kom­mý­nı­kasııalar qyzmeti uıymdas­tyr­ǵan brı­fıngte osy is-sharanyń qory­tyndylaryn ja­rııal­ap, jýrnalısterdiń saýaldaryna jaýap berdi.