Bıylǵy jıyn Jastar jylynyń aıasynda ótti. Otanshyl jastardy adal qyzmet etýge, el qorǵany bolýǵa tárbıeleıtin biregeı alańǵa aınalǵan «Aıbyn» aıasynda jastar áskerı-qoldanbaly baıqaýlar, atap aıtqanda, beltemirde tartylý, jalpyáskerı qorǵanys jıyntyǵyn kııý, pnevmatıkalyq myltyqtan oq atý, granata laqtyrý, AK-74 avtomatyn bólshekteý jáne jınaý, qysqa jáne alys qashyqtyqqa júgirý syndy saıystarǵa qatysty.
Sonymen, tórt kúnge sozylǵan baıqaý qorytyndysy boıynsha respýblıkalyq «Jas ulan» mektepteri men mamandandyrylǵan lıseıler arasynda «Jas ulan» mektep ınternatynyń (Semeı qalasy) oqýshylary birinshi orynǵa shyqty. Ekinshi oryndy Armııa generaly Saǵadat Nurmaǵambetov atyndaǵy respýblıkalyq mektebiniń (Nur-Sultan qalasy) komandasy ıelendi. Al úshinshi orynǵa Keńes Odaǵynyń Batyry general-maıor Sabyr Rahymov atyndaǵy respýblıkalyq «Jas ulan» mektebiniń (Shymkent qalasy) komandasy shyqty.
Qazaqstan Qarýly Kúshteri jáne ózge de áskerı qurylymdarǵa qarasty áskerı-patrıottyq klýbtar arasynda «Shyǵys» óńirlik qolbasshylyǵynyń «Shyǵys» áskerı-patrıottyq klýby birinshi oryndy, «Saǵadat» áskerı-patrıottyq klýby ekinshi oryndy jáne Áskerı polısııa bas basqarmasynyń «Jas ulan» áskerı-patrıottyq klýby úshinshi oryndy ıelendi.
О́ńirlik áskerı-patrıottyq klýbtar arasynda «Jiger» (Batys Qazaqstan oblysy), «Jas Qyran» (Shyǵys Qazaqstan oblysy), «Aıbyn» (Aqmola oblysy) komandalary júldeli oryndardy bólisti.
Al Semeı qalasynan kelgen «Jas ulan» áskerı-patrıottyq klýby «Aıbyn-2019» áskerı-patrıottyq jıynynyń Gran-prı júldesin jeńip aldy.
Jıynnyń qorytyndysy boıynsha jeńimpaz jáne júldeger komandalarǵa gramotalar, medaldar, kýboktar men estelik syılyqtar tabys etildi.