Arys qalasynda polısııa qyzmetkerleri qoǵamdyq tártipti saqtaýǵa jáne evakýasııalanǵan azamattardyń múlkin kúzetýge tartyldy.
Jalpy jeke quramnyń 463 qyzmetkeri men Ishki ister mınıstrligi bólinisteriniń 53 tehnıkasy Arys qalasynan kóshirilgenderge kómek kórsetýde. Munyń ishinde 193 qyzmetker jáne 23 tehnıka azamattyq qorǵaý organdaryna tıesili.
Sondaı-aq 270 qyzmetker men 30 tehnıka polısııa bólinisterinen tartyldy.
Arys qalasyndaǵy qoǵamdyq tártipti qadaǵalaý úshin QR Ulttyq ulanynyń áskerı bóliminen 500 jaýynger jiberildi.
Osy fakti boıynsha IIM Ońtústik óńirlik áskerı-tergeý basqarmasynyń Shymkent bólimi Qylmystyq kodekstiń 462-babynyń 1-bóligi (qarý, sondaı-aq basqalarǵa qaýip týdyratyn zattar men nárselerdi saqtaý erejesin buzý) boıynsha qylmystyq is tirkedi.