Oǵan Qyzylorda oblysy taýarlar men qyzmetterdiń sapasy qaýipsizdigin baqylaý departamentiniń basshysy Baımenova Ǵalııa Ábsadyqqyzy, oblystyq densaýlyq saqtaý basqarmasynyń basshysy Abdýsametov Jaqsylyq Ábilqasymuly, oblystyq veterınarııa basqarmasynyń basshysy Ápetov Ersultan Amantaıuly jáne oblystyq jumyldyrý daıyndyǵy basqarmasynyń basshysy Shamenov Asylbek О́mirbekuly qatysty.
«Qazirgi tańda eki jaǵdaıǵa baılanysty aqparat bereıin. Birinshisi Tasbóget kenti, Sabalaq eldi meken turǵyny 85 jylǵy týylǵan E. R oblystyq juqpaly aýrýlar aýrýhanasyna 22 maýsymda túsip, 23 maýsym kúni qaıtys bolǵan. Bul naýqastyń dıagnozy KQGQ yqtımaldy boljamdy jaǵdaıy bolǵan. Tıisti zerthanalyq tekserýler júrgizilýde, dıagnozy tolyq naqtylanǵan joq. Ekinshi jaǵdaıǵa toqtalsam, Shıeli aýdany, Dosbol bı aýylynyń 90 jylǵy týylǵan R. M turǵyny 15 maýsymda Shıeli aýdanynyń aýrýhanasyna túsip, 24 maýsym qaıtys bolǵan. Dıagnozy KQGQ boıynsha naqtylanǵan jaǵdaı. Naýqasqa tıisti emniń barlyǵy kórsetilgen», - dedi Ǵ. Baımenova.
Sondaı-aq, oblystyq densaýlyq saqtaý basqarmasynyń basshysy J. Abdýsametovtiń aıtýynsha, naýqastarǵa der kezinde tıisti medısınalyq algorıtmge baılanysty emdik klınıkalyq hattamalarǵa sáıkes emdeýler men tekserýler taǵaıyndalyp, qajetti kómek, sharalar kórsetilgen.
Brıfıng barysynda oblystyq veterınarııa basqarmasynyń basshysy E. Ápetov epıdemıologııalyq maýsymda júrgizilgen jumystarǵa qysqasha toqtalyp ótti.
Qyzylorda oblysy.