Elimizge qaıǵy ákelgen osy kúnderde jeke ózimniń jáne Senat depýtattarynyń atynan qaza tapqan jáne zardap shekkenderdiń otbasylaryna qaıǵyryp kóńil aıtamyn. Sizder dýshar bolǵan qaıǵyǵa ortaqtasyp, birge qaıǵyramyz, biz Sizdermen birgemiz.
Arys turǵyndaryna qol ushyn sozǵan qazaqstandyqtarǵa erekshe alǵys aıtamyz. Júregi meıirimge toly myńdaǵan jandar adamdardy kóshirýge kómektesti, tamaqpen, kıim-keshekpen bólisip, baspanasyz qalǵandardy úılerine ornalastyrdy, joǵalǵan balalardy izdeýge kómek berdi.
Erjúrek áskerı qyzmetshiler táýekelge bel býyp tótenshe jaǵdaı aımaǵynan adamdardy kóshirdi, otpen, órtpen kúresti. Adamdar qaýipsizdigin qamtamasyz etý jáne ýaqytsha qıyndyqtardy bastan ótkerýge kómektesý úshin dárigerler, polısııa qyzmetkerleri, órt sóndirýshiler, eriktiler, respýblıkalyq jáne jergilikti bılik organdary qoldan kelgenniń bárin jasaýda. Zardap shekkenderdiń bári tezirek saýyǵýyn tileımiz.
Bizdiń kúshimiz birlik pen qaıyrymdylyqta jáne raqymshylyqta ekenin qazaqstandyqtar taǵy da pash etti. Búkil elimizde Arys turǵyndary úshin kıim-keshek, aqsha jáne azyq-túlik jınaqtalyp jatyr.
Biz tek birige otyryp barlyq qıyndyqtardy eńseremiz, muqtajdardy qoldaý arqyly Arysty qalpyna keltire alamyz.
Qazaqstan Respýblıkasy Parlamenti Senatynyń depýtattary men Senat Apparatynyń qyzmetkerleri bir kúndik eńbekaqylaryn Arys qalasynda tótenshe oqıǵa saldarynan zardap shekkenderge aýdardy.
Qazaqstan Respýblıkasy
Parlamenti Senatynyń Tóraǵasy Darıǵa NAZARBAEVA