Memleket basshysy Qyrǵyzstan Prezıdenti Sooronbaı Jeenbekovpen telefon arqyly sóılesti, dep habarlady Qazaqstan Respýblıkasy Prezıdentiniń baspasóz qyzmeti.
Qazaqstan Prezıdenti Qasym-Jomart Toqaevqa Qyrǵyzstan Prezıdenti Sooronbaı Jeenbekov Arys qalasyndaǵy jarylystardan qaza bolǵandardyń otbasylaryna kóńil aıtyp, jaraqat alǵandarǵa qoldaý bildirdi.
Kórshi memlekettiń basshysy kisi ólimi men aýqymdy zardap ákelgen tótenshe jaǵdaıǵa Qyrǵyzstan shynaıy janashyrlyqpen qaraıtynyn atap ótti.
Qasym-Jomart Toqaev Sooronbaı Jeenbekovke jáne baýyrlas qyrǵyz halqyna rızashylyǵyn bildirip, alǵys aıtty.