Cımpozıýmǵa qatysýshylardy quttyqtaǵan oblys ákimi kórkemsýret galereıasyna Qazaqstannyń eńbek sińirgen óner qaıratkeri Salıhıtdın Aıtbaevtyń esimi beriletinin aıtty.
- Qyzylorda qalasy - qaımaǵy buzylmaǵan qalyń qazaqtyń, túbi bir túrki mádenıetiniń altyn kómbesi, Qazaq Respýblıkasynyń tuńǵysh astanasy. Bul jerde san túrli óner týyndylary kóptep kezdesedi. Salıhıtdın Aıtbaev atyndaǵy kórkemsýret galereıasynyń qory óner týyndylaryna tola bersin!, - dedi ol.
Saltanatty shara kezinde Qazaqstan Respýblıkasy sýretshiler keńesiniń hatshysy Jambyl Nátbaev oblys ákimine qoldaý kórsetkeni úshin alǵysyn bildirip, oǵan sımpozıýmǵa qatysýshylardyń atynan portret syılady.
Al, S.Aıtbaevqa keletin bolsaq, ol keskindemeshi, sýretshi, Qazaqstannyń eńbek sińirgen óner qaıratkeri, Lenın komsomoly syılyǵynyń laýreaty, KSRO Sýretshiler Odaǵynyń múshesi. Onyń "Shopandar demalysy", "Baqyt" kartınalary qazaq beıneleý ónerine erekshe týyndylar sanatynda sanalady. "Á.Álimjanov", "Ana", "Áke", "Shopan", "Abaı" portretterin, ortaǵasyrlyq Hıvanyń sáýlet eskertkishterine arnalǵan jumystar serııasyn jazdy. S.Aıtbaevtyń shyǵarmalary Á. Qasteev atyndaǵy QR Memlekettik óner murajaıynda jáne qazirgi zamanaýı óner murajaıynda saqtalýda.
Dańqty sýretshi 1994 jyly dúnıeden ótti.
Qyzylorda oblysy