Aıtýlarynsha, jarylys kezinde qaıda bararlaryn bilmeı, kópshiliktiń artynan júgire bergen. Birneshe shaqyrym jer jaıaý júrip, kóligi bar jas jigitti kezdestiredi. Jol boıynda júkti áıeldi kólikke otyrǵyzyp, bosandyryp alý úshin jaqyn mańdaǵy aýylǵa jetkizgen.
«Birinshi kezdesken úıge toqtadyq. О́zimiz bosandyryp, kindigin kestik. Bári sátti ótti», - dedi Balbópe О́tenova habar barysynda.
Baǵdarlamanyń júrgizýshisi Áıgerim Esenáli bosanǵan áıelge tikeleı efırde telefon arqyly baılanysqa shyǵyp, jaǵdaıyn surady.
«Qyzymnyń ómirge kelýine kómek kórsetken jandarǵa raqmet! Qazirgi ýaqytta Qazyǵurt aýdandyq ortalyq aýrýhanasyndamyz. Densaýlyǵymyz óte jaqsy», - dep alǵysyn bildirdi Kenje.
Eske sala ketsek, QR BǴM ókilderi UBT ótkizý úshin Arys qalasyna 24 maýsym kúni jiberilgen bolatyn.